Yohana 3:16 - Imuuma Eehya

¹⁶ Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Yohana 3:16 ပူးပေါင်းရင်းမြစ်များ

Mataayo 9:13

Mbe, moghende mutune ensonga iya amangʼana agha Waryobha hano yaaghambirë igha, ‘Engʼana eno nkutuna, na-bhantö ukwabherana, ko bhoora ukwabherana nkökërrë ikimwenso keno abhantö bhakummwensera.’” Yëësu akabhatëëbhya igha, “Öni tenaasha okobherekera bhano bhakwimaaha igha, m-ba heene ku-Waryobha, a a! Kasi naasha igha, mberekere abha ëbhëbhë.”

Maariko 12:6

Mwene möghöndö uyö, akatighara na omoona uwaaye omoghonshe umwene igho, uwa okotoma-yo. Mbe, akatoma omoona uwaaye uyö, ko-bharëmi bhayö. Akaighambera mo-motwe ughwaye igha, ‘Mbaraasooke omoona uwaane.’

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 1:29

Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Yohana 10:28

Öni nkoghahaana ndë öbhöhöru ubhwa amakora ghonswe igho, tegharisira kora hake hë. Ghwiki taaho ömöntö ono akotora okoghasakörya ukurwa mo-mabhoko aghaane.

Yohana 3:15

okore kera ömöntö ono akunkumya abhe na öbhöhöru ubhwa amakora ghonswe igho.”

Yohana 3:18

Ku bhuyö ömöntö ono araakumi Omoona uwa Waryobha, Waryobha tamobhotorre ikiina hë. Kasi ömöntö ono ataakumi, uyö yaamara okobhotorrwa ikiina, ko bhoora atakukumya Omoona umumwëmwë uwa Waryobha.

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

Abharuumi 5:10

Kuyö n-ko okoghamba igha, ko bhoora Waryobha yaatwighwerrania nawe, ko okohetera uruku urwa Omoona uwaaye, hano waanyöörrë tokeena ëbhëbhë, bhoono twabha abhasaani abhaaye. Ko bhoora m-maheene igha, yaatwighwerrania okohetera uruku urwa Yëësu Kiristo, ku bhuyö ntoraatööribhwi ukurwa mu-bhushibhu ubhwa okorerra ukwa Waryobha, okohetera öbhöhöru ubhwa Yëësu Kiristo.

Abharuumi 5:8

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

Abharuumi 8:32

Waryobha tiyaabhaayë na ikyabhera ko-Moona uwaaye hë, kasi akamokora abhe ikimwenso ko okoghera iya bhëëtö bhonswe igho. Ko bhoora igha, yaakora Omoona uwaaye abhe ikimwenso ikyëtö, ku bhuyö naretongʼoora obhongʼoore ubhwa amangʼana amaiya ghonswe igho, okohetera ku-uyö.

Abhaëfësö 2:4

Kasi bhoono ko bhoora Waryobha naana amaabhë bhököngʼu, natohanshirë ku righonshe iryaye reno retaana umuhiko.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

Tiito 3:4

Kasi Waryobha Ömötöörya uwëëtö, akatokorra öbhöntö ubhwa heene, kora akatwörökya righonshe iryaye, akatötöörya.

Abhaëbhuraania 2:9

Kasi nkomaaha törë Yëësu Kiristo ono ku-ribhagha ike igho, Waryobha yaamokora abhe omoke okokera abhamaraika. Uyö we yaatoorrwa ko-motwe ikirighi ikya ubhuhika na okosookwa, ko okoghera iya ököghömërrya öbhörrö ubhwa uruku. Waryobha yaakörrë igho, okore kö örööbhö urwaye, Yëësu akwe ko okoghera iya ökötöörya abhantö bhonswe igho.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.