Yohana 3:13 - Imuuma Eehya

¹³ Taaho ömöntö wowonswe igho ono yaahika mu-ryobha. Kasi öni Omoona uwa Ömöntö mmu-ryobha naarwera.

Yohana 3:13 ပူးပေါင်းရင်းမြစ်များ

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Mataayo 8:20

Kasi Yëësu akamohonshora igha, “Nyamobhwe mbaana amaina aghaabho agha okoraara-mo, na ibhinyönyi mbeena amasu. Kasi öni Omoona uwa Ömöntö, teneena ahasë aha okotoora orobharu urwane hë.”

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 3:12

Mbe, ko bhono motakukumya amangʼana agha ko-kebhara kono ghano mbatëëbhëri, bhoono iyakë moraaghere mukumi hano ndaabhatëëbhi amangʼana agha mu-ryobha?

Yohana 3:31

Ono akurwa mu-ryobha naana ubhwera ku-bhyonswe igho. Kasi ono akurwa ko-kebhara, uyö n-wa ko-kebhara, kora engamba iyaaye ni-iya amangʼana agha ko-kebhara kono. Ono akurwa mu-ryobha, naana ubhwera ku-bhyonswe igho.

Yohana 6:33

Ko bhoora ibhyakorya ibhya Waryobha m-beno bhikurwa mu-ryobha, na ibhyakorya bhiyö, nö-öni ono nkohaana öbhöhöru abhantö bhonswe igho abha ko-kebhara.”

Yohana 6:38

Öni tenaasha ukurwa mu-ryobha okore nkore bhono nkutuna, kasi naasha igha, nkore bhono akutuna Taata ono yaantoma.

Yohana 6:42

Bhakabhoorania igha, “Kanaa, ono ti-Yëësu omoona uwa Yusufu, kora abhaibhöri abhaaye bhonswe igho ntobhamanyirë? Bhoono n-kwakë akoghamba igha, ‘Naarwa mu-ryobha?’”

Yohana 6:46

Taaho ömöntö ono yaamaaha Taata Waryobha, kasi nö-öni umwene igho namomaaha, ko bhoora nku-mwene uyö naarwa.

Yohana 6:51

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Yohana 6:62

Bhoono iyakë erebha hano moreemmaaha öni Omoona uwa Ömöntö, ndatiira ukughya mu-ryobha ahasë hano naarë ekembere?

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.

Amangʼana agha Abhatomwa 2:34

Daudi umwene tiyaarinirë mu-ryobha hë, kasi yaaghambirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu,

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Abharuumi 10:6

Kasi ko okobharwa ömöntö igha wa heene ko okoghera iya umukumo, Mosa yaaghambirë igha, “Motakaibhöörya igha, ‘N-nawë akotora ukutiira aghi mu-ryobha?’” Igha, asabhe Yëësu Kiristo aashe ko-kebhara kono.

1 Abhakörintö 15:47

Ömöntö uwa mbere, yaabhömbirwë ukurwa ku-rirobha. Kasi ömöntö uwa kabhërë we mu-ryobha yaaruurë.

Abhaëfësö 1:23

Ekanisa n-kya ömöbhërë ughwa Kiristo, netahatëëyë öbhömënyi ubhwa Yëësu Kiristo. Yëësu Kiristo uyö, we omohekerano ughwa öbhöhöru ubhwa ëbhëntö bhyonswe igho.