Yohana 21:16 - Imuuma Eehya

¹⁶ Yëësu akabhöörya Peetero urwa kabhërë igha, “Simööni, mumura uwa Yohana, nonhanshirë?” Peetero akamohonshora igha, “Yëë, Omonene, kana uwe nomanyirë igha nenkohanshirë.” Yëësu akamötëëbhya igha, “Naghya amangʼöndi aghaane.”

Yohana 21:16 ပူးပေါင်းရင်းမြစ်များ

Mataayo 2:6

‘Bhëënyu abhantö abha Bhëtërëhëëmu eno ërëngë ku-kyaro ikya Yuuda, bhëënyu tebhaakoserwa hë, kö-bhötöngi ubhwa mu-kyaro ikya Yuuda hano! Ko bhoora ömwë uwëënyu, narebha ömötöngi omonene, naretonga abhantö abhaane Isiraëri kya hano ömörëësya yarëësya amangʼöndi aghaaye.’”

Mataayo 25:32

Abhantö abha ibhyaro bhyonswe igho, mbarikomania ahasë hano ndë. Nendebhaahora kya hano ömörëësya yahora sëmböri na amangʼöndi.

Mataayo 26:72

Ghwiki Peetero akaikaana ku ukutyana igha, “Ömöntö uyö temomanyirë hë bhamurë mbe.”

Ruuka 19:10

Omoona uwa Ömöntö nnaasha ukutuna, na ökötöörya abhantö bhano bhaasira.”

Yohana 18:17

Mbe, umwisëkë ömörëndi uwa mu-kihiita uyö, akabhöörya Peetero igha, “Kana, na uwe wonswe tö-ömwë uwa abheegha abha ömöntö uyö örë?” Peetero akamohonshora igha, “A a, tëndëngë murikyabho hë.”

Yohana 18:25

Mbe, hano Simööni Peetero yaarenga aimërëëyë aroota omorro, abhantö nyabhorebhe bhakamöbhöörya igha, “Kasi, na uwe tö-ömwë uwa abheegha abha ömöntö uyö?” Peetero akabhahonshora igha, “A a, tö-öni hë.”

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

1 Peetero 2:25

Mwaarenga kya amangʼöndi ghano ghasirrë, kasi bhoono, mwakyörrë ko-mokaraabhërri uwëënyu na we omonaghya uwëënyu.

1 Peetero 5:2

mobhe abhakaraabhërri abha heene abha ekanisa eno mwaahaanwa na Waryobha. Ghwiki ni-igha, monaghi ekanisa kwa enkoro inshiiya kya bhono Waryobha akutuna, kasi te-kwa ukusingʼirribhwa hë. Motakaakora emeremo ighyënyu kwa oronamba oroghogho urwa ukunyoora seehera, kasi mobhe na omotono.

Okohonyora 7:17

Ko bhoora Omoona Ringʼöndi ono arëngë haangʼë na ikitumbë ikya ekekama, narebha omokaraabhërri uwaabho. Narebhatangata ukughya mo-seseeka isya amanshë agha öbhöhöru, na Waryobha narebheeya amaisöri.”