Yohana 21:14 - Imuuma Eehya

¹⁴ Ruyö nu-urwa katatö rwaarë, urwa Yëësu okobhooshokera abheegha abhaaye, ukurwa roora Waryobha yaamuryökëri ukurwa mo-bhaku.

Yohana 21:14 ပူးပေါင်းရင်းမြစ်များ

Maariko 16:12

Urusikö ruyöruyö, Yëësu akabhooshokera abheegha abhaaye bhabhërë. Abheegha bhayö nko-roghendo bhaarë, bharaghya mu-kishishi. Tebhaamomanyërrëëyi hë, ko bhoora n-tuubho iyëndë igho yaarë nayo.

Maariko 16:14

Ekahekera-ho enkaagha, Yëësu akabhooshokera abheegha abhaaye ikömi na ömwë, hano bhaaryanga ibhyakorya. Akabhahamera ko bhoora bhaangirë ukukumya, ko bhono senkoro isyabho, syaangirë okoghoota amangʼana ghano bhaatëëbhiibhwi na bharikyabho bhano bhaamörööshë igha m-möhöru, aryökirë ukurwa mo-bhaku.

Yohana 20:19

Abheegha abha Yëësu bhaaikomaini hamwë mu-nyumba, omoghoroobha ughwa urusikö ruyöruyö. Bhakasiika-ho ebhesaku, ko bhoora bhoobhohanga abhatangati abha Abhayahudi. Mbe, mbaatöökëëyë Yëësu aimërëëyë ghatëghatë iyaabho, akabhatëëbhya igha, “Mobhe na omorembe bhamurë.”

Yohana 20:26

Hano sinsikö monaane syaahëtirë, okanyoora abheegha abha Yëësu bhaikomaini ghwiki mu-nyumba. Toomasi wonswe ho yaarë. Ebhesaku mbyaarenga bhisiikirwë, kamwë igho, bhakatookera Yëësu areemerra ghatëghatë iyaabho, akabhakëërya igha, “Mobhe na omorembe!”

Yohana 21:1

Hano ghayö ghaahööyë, Yëësu ghwiki akabhooshokera abheegha abhaaye haangʼë na inyansha iya Tibhëëria, amangʼana ghayö, ni-igha ghaabhaayë.

Amangʼana agha Abhatomwa 1:3

Ku-sinsikö merongo ene ukurwa rono yaaryökirë, yaabhooshokeranga abhatomwa abhaaye, kö ebhemanyërryö ibhyaru, akabhöörökya heene igha m-möhöru. Akabha arabhëëghya amangʼana agha Obhokama ubhwa Waryobha.