Yohana 20:17 - Imuuma Eehya

¹⁷ Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Yohana 20:17 ပူးပေါင်းရင်းမြစ်များ

Mataayo 12:50

Ko bhoora ömöntö wowonswe ono akokora bhoora Taata Waryobha uwa mu-ryobha akutuna, uyö n-kya mura uwëëtö, mohara uwëëtö, na n-kya maayö.”

Mataayo 25:40

Ho bhoono öni Omokama ndebhahonshora igha, ‘No-bhoheene nkobhatëëbhya igha, kyokyonswe keno mwaakorra umukumya wowonswe ono mokomaaha igha taana ubhwera hë, nö-öni mwaakorranga.’

Mataayo 28:7

Mbe, bhoono moghende bhöngöbhöngö, mötëëbhi abheegha abhaaye igha, ‘Aryökirë ukurwa mo-bhaku. Abhatangatëëyë ukughya mo-mokowa ughwa Ghariraaya. Iyö yo moraasikane nawe.’ Mmarrë okobhatëëbhya keno naarëkutuna mbatëëbhi.”

Maariko 12:26

M-maheene igha abhaku nkuryoka bharë, kasi temwakasömirë mo-ketabho ikya Mosa, kya bhono Waryobha yaaghambirë hano ekesaka kyookanga omorro? Waryobha yaatëëbhëri Mosa igha, ‘Nö-öni Waryobha uwa Ibhurahimu, Isaaka na Yaakobho.’

Maariko 16:19

Hano Omonene Yëësu yaamarrë kushumaasha nabho, akagheghwa, ukughya mu-ryobha. Akaikara bhoryo ubhwa Waryobha.

Ruuka 10:4

Motakaamanora ensaho, ikighushi ikya seehera, handë rifwara iryëndë irya ebheraatö. Motakaitëbhërrya ko-nshera, kö ökökëëryakëërya abhantö.

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 14:2

Umweya mu-nyumba iya Taata, m-moghare ghoomo, hano etakaabhaayë igho, nenkaabhatëëbhëri. Ko bhoora nkughya ndë okobhasëëmërya ahasë.

Yohana 14:28

Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Yohana 17:11

Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 20:27

Mbe, hano akomara akatëëbhya Toomasi igha, “Reeta hano ikyara ikyaho, maaha amabhoko aghaane, oreete okobhoko ukwaho okotoore mo-sembaru isyane, okore ukumi, otakaaghëndërrya ukwanga kukumya.”

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Abharuumi 8:29

Waryobha yaamanyirë abhantö abhaaye kora ataraabhomba ekebhara. Bhayö mbo yaashaaghööyë bhabhe kya bhono Omoona uwaaye Yëësu Kiristo arë. Yaakörrë igho, okore Omoona uwaaye Yëësu Kiristo uyö, abhe omotangi ko-bhakumya abhaaru abha Waryobha.

2 Abhakörintö 6:18

Kora nendaabhe Suwëënyu, na bhëënyu moraabhe abhaana abhaane, abha ikishaasha na abha ekekari. Ni-igho Omonene Waryobha uwa obhotoro bhwonswe igho akoghamba.”

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

Abhaëbhuraania 11:16

Kasi bhoono abhantö bhayö, ni-kyaro ikiiya bhököngʼu, nkyo bhaaighombanga igha bhanyoore. Ikyaro kiyö, mmu-ryobha. Ku bhuyö, Waryobha takosooka okobherekerwa igha, we Waryobha uwaabho, ko bhoora we yaabhasëëmërya iyö umughi.

Abhaëbhuraania 8:10

Imuuma Eehya, eno ndekora na Abhaisiraëri ko-nkaagha iyö ikuusha, yo eno, nendetoora amaraghërryö aghaane mo-maitegherro aghaabho, nendeghaandeka mo-senkoro isyabho. Hayö ho ndebha Waryobha uwaabho, nabho mbarebha abhantö abhaane. Ni-igho Omonene Waryobha akoghamba.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

Okohonyora 21:3

Nkaighwa engamba enene, erarwera ku-kitumbë ikya ekekama eraghamba igha, “Taighwa! Waryobha hamwë amënyirë na abhantö abhaaye. Naraaikare hamwë nabho. Mbaraabhe abhantö abhaaye, wonswe naraabhe Waryobha uwaabho.

Okohonyora 21:7

Ömöntö wowonswe ono araakere, nendaamohaane ghayö ghonswe igho. Naraabhe omoona uwaane, na öni wonswe nendaabhe Waryobha uwaaye.