Yohana 2:6 - Imuuma Eehya

⁶ Mbe, syaare-ho sinyöngö isansabha isya amaghena, seno syaatorwanga-mo amanshë agha okokorra seteemo isya Abhayahudi isya ukwisaabhuura. Kera inyöngö, yaaishöribhwanga na siriita ighana imwë handë ighana imwë na merongo etatö.

Yohana 2:6 ပူးပေါင်းရင်းမြစ်များ

Ruuka 16:6

Akamohonshora igha, ‘Isiirë iyaane, na-mapiipa righana, agha amaghuta agha Ëmëzëituuni.’ Umwimërërri akamötëëbhya igha, ‘Ghegha ekarataasi eno yandëkirwë-ko isiirë iyaaho, wikare hano, wandeke-ko bhöngöbhöngö igha, isiirë yaaho, m-mapiipa merongo etaano igho.’

Yohana 2:7

Mbe, Yëësu akatëëbhya abhaköri abha emeremo bhaara igha, “Mwishöri amanshë mu-sinyöngö siyö.” Bhakaishörya shabhi amanshë mu-sinyöngö siyö.

Yohana 3:25

Urusikö urwöndë, sekeebhoka senkaani ko abheegha abha Yohana na Umuyahudi nyabhorebhe ko amangʼana agha seteemo isya okosaabhuura.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

Abhaëbhuraania 10:22

Ku bhuyö ni-igha tusuntare ku-Waryobha kwa nkoro nyihöötu na umukumo omohekeranu, ko bhoora Waryobha asaabhuurrë senkoro isyëtö ko amaanyinga agha Yëësu Kiristo, okore totakaabha na amaitegherro amaghogho. Kora atwisaabhëri ëmëbhërë ighyëtö mo-manshë ghano ghatabhöröngökirë.

Abhaëbhuraania 6:2

Totakaakyorra amëëghyö agha obhobhatiisyo, okosambekera amabhoko, ukuryoka ukwa abhaku na okobhotorrwa ikiina ukwa amakora ghonswe igho.

Abhaëbhuraania 9:10

Amangʼana ghayö, na-agha kinyamöbhërë ghaarë, agha ibhyakorya, ëbhëntö ibhya ukunywebhwa, na ukwisaabhuura ëmëbhërë. Amangʼana ghayö, ngaatöörrwë-ho okohekera hano amangʼana gharekorwa bhohya.

Abhaëbhuraania 9:19

Hano Mosa yaamarrë okoraarekera abhantö bhonswe igho imighiro ghyonswe igho ighya Waryobha, yaaghëghirë amaanyinga agha rikööhë na agha eghorohe, akaishooghania na amanshë. Akaghoota amaghaasu amakangaaru, akaghananerra kö-rötë urwa ömötë ghono ghokobherekerwa igha umuhisopo, akashabhya mu-mwishooghaniö ghuyö, akaminshirya eketabho na abhantö bhonswe igho.