Yohana 2:23 - Imuuma Eehya

²³ Hano Yëësu yaarenga Yërusarëëmu ku-nyangi iya Epasaka, abhantö abhaaru bhakamukumya, ko bhoora bhaarööshë ebhemanyërryö bheno yaakoranga.

Yohana 2:23 ပူးပေါင်းရင်းမြစ်များ

Ruuka 8:13

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Yohana 11:45

Mbe, Abhayahudi abhaaru bhano bhaaishirë okomaaha Maryamu, hano bhaarööshë ghayö Yëësu yaakörrë, bhakamukumya.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 2:13

Mbe, inyangi iya Epasaka iya Abhayahudi, n-haangʼë yaarë, ku bhuyö Yëësu akatiira ukughya Yërusarëëmu.

Yohana 3:2

Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Yohana 4:45

Hano yaahikirë mo-mokowa ughwa Ghariraaya, abhantö abha mo-mokowa ughwa Ghariraaya bhakamösërëënia bhuuya, ko bhoora bhaarööshë ghonswe igho ghano yaakörrë Yërusarëëmu haara, ko bhono abheene bhonswe, mbaarë ku-nyangi iya Epasaka.

Yohana 5:36

Kasi ubhwimërërri bhono öni neenabho, m-bonene okokera ubhwa Yohana bhoora. Ubhwimërërri bhuyö, ne-meremo gheno Taata yaangʼaayë igha ngemarërri. Emeremo ighyane nkwörökya ghërë igha, Taata Waryobha we yaantoma.

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 6:2

Rikomo rinene irya abhantö ryaasoorananga Yëësu, ko bhoora ryaarenga rërööshë ebhemanyërryö ibhya amakono ghano yaakoranga agha ukuhwënia abharööyë.

Yohana 7:31

Kasi abhantö abhaaru bhano bhaarë hayö bhakakumya Yëësu. Abhantö bhayö bhakaghamba igha, “Hano Kiristo ariisha, narekora ebhemanyërryö ibhyaru ibhya amakono okokera bheno ömöntö ono yaakora?”

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

1 Yohana 3:23

Umughiro ughwaye ngo ghono igha, totakanga ukukumya Yëësu Kiristo, Omoona uwaaye, kora tohanshane kya bhoora yaatoraghërrëëyi.