Yohana 2:22 - Imuuma Eehya

²² Mbe, hano Yëësu yaaryökirë ukurwa mo-bhaku, abheegha abhaaye bhakahiita igha ni-igho Yëësu yaaghambirë. Engʼana iyö, ekaghera bhakakumya Amaandeko Amahörëëru, na amangʼana ghano Yëësu yaaghambirë.

Yohana 2:22 ပူးပေါင်းရင်းမြစ်များ

Ruuka 24:26

Kasi tiyaarë igha, Kiristo ateeswe, na asohe mu-bhuhika ubhwaye?”

Ruuka 24:44

Akabhatëëbhya igha, “Ghano na-mangʼana ghaara naabhatëëbhyanga hano twaarë hamwë. Naabhatëëbhëri igha, ghonswe ghano naandekerwa ngarikora, ngakaabha amangʼana agha amaraghërryö ighya Mosa, amaandeko agha abharööti, hamwë na agha mo-Zabhuri.”

Yohana 12:16

Enkaagha iyö, abheegha abha Yëësu tebhaamanyërrëëyi ghayö hë. Kasi hano Yëësu yaaryökirë, ho bhaahiitirë igha, ghayö ngaandëkirwë, na ni-igho bhaamökörëëyë.

Yohana 14:26

Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Yohana 16:4

Mbatëëbhëri amangʼana ghayö, okore hano enkaagha iyö irihika, muhiite igha, naabhatëëbhëri. “Tenaabhatëëbhëri amangʼana ghayö ekembere, ko bhoora hamwë naarekobhanga na bhëënyu.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 2:17

Hano abheegha abhaaye bhaaighuurë ghayö, bhakahiita amangʼana ghano ghandëkirwë mo-Maandeko Amahörëëru igha, “Öbhörrö ubhwa inyumba iyaaho mbo bhoremara-ho.”

Yohana 2:2

Yëësu hamwë na abheegha abhaaye bhonswe bhaarenga bharaarëkirwë mu-bhwenga iyö.

Amangʼana agha Abhatomwa 11:16

Hayö ho naahiitökirë engʼana iya Omonene eno yaaghambirë igha, ‘Yohana, na-manshë yaabhatiisiiyi abhantö. Kasi bhëënyu, m-böngö hano moraabhatiisiribhwi Umwika Ömöhörëëru.’

Amangʼana agha Abhatomwa 13:33

Ghayö ngo Waryobha ahekeraini kö-bhëëtö, ku ukuryökya Yëësu. Akörrë kya bhono Ezabhuri iya kabhërë yandëkirwë. Yandëkirwë igha, ‘Uwe nu-uwe Omoona uwaane, öni reero mbaayë Suwëënyu.’