Yohana 2:19 - Imuuma Eehya

¹⁹ Yëësu akabhahonshora igha, “Motemore risengerro reno, na öni nendaarehaghaashe ku-sinsikö isatö.”

Yohana 2:19 ပူးပေါင်းရင်းမြစ်များ

Mataayo 12:40

Kya bhoora Yoona yaabhaayë mo-nda iya ughuswë ku-sinsikö isatö, omobhasö na ubhutikö, ni-igho öni Omoona uwa Ömöntö ndebha mo-mbeehera sinsikö isatö, omobhasö na ubhutikö.

Mataayo 16:21

Ukusimirya enkaagha iyö, Yëësu akasimya ökötëëbhya abheegha abhaaye harabhu igho igha, ni-igha aghende Yërusarëëmu. Yërusarëëmu hayö, ho abhaghaaka abha Ikiyahudi, abhanene abha abhasëngëri, na abhëëghya abha amaraghërryö agha Mosa, bharemoteesa bhököngʼu, kora bhamwite. Kasi nariryoka urusikö urwa katatö.

Mataayo 27:40

Bhaamötëëbhyanga igha, “Kanaa, tu-uwe waaihashanga igha nokaatëmööyë inyumba iya Waryobha, omare oghehaghaashe ku-sinsikö isatö igho? Mbe, nyoore m-Moona uwa Waryobha örë, itöörya umwene, iika urwe ko-mosarabha kuyö.”

Mataayo 27:63

Bhakatëëbhya Piraato igha, “Omonene, torahiita igha, enkaagha eno omongʼaini ono waanyöörrë akërëngë möhöru, yaaghambirë igha, ‘Nindiryoka urusikö urwa katatö.’

Maariko 14:58

“Twaaighuurë ömöntö ono araghamba igha, ‘Ndatora okotemora inyumba iya Waryobha eno yaahaghaashwa na abhantö, mmare nhaghaashe iyëndë ku-sinsikö isatö igho, eno etakohaghaashwa na abhantö.’ ”

Maariko 15:29

Abhantö bhano bhaahetanga hayö, mbaasingisyanga emetwe ighyabho, eno bharamushabhura. Bhaamötëëbhyanga igha, “Kanaa, tu-uwe waaihashanga igha nokaatëmööyë inyumba iya Waryobha, omare oghehaghaashe ku-sinsikö isatö igho?

Maariko 8:31

Ho Yëësu yaamarrë, akasimya ukwëghya abheegha abhaaye igha, Omoona uwa Ömöntö, ni-igha nnyankibhwi bhököngʼu. Kora abhaghaaka abha Ikiyahudi, abhanene abha abhasëngëri abha Waryobha, bheena abhëëghya abha amaraghërryö agha Mosa, mbaraanyange kora bhaanyite, kasi urusikö urwa katatö, nindiryoka.

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 5:19

Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.

Amangʼana agha Abhatomwa 2:24

Kasi Waryobha yaamuryökëri ukurwa mo-bhaku. Akamuruusirya-ho öbhörrö ubhwa uruku, ko bhoora singuru isya uruku, tesekaatörrë okomorebherra hë.

Amangʼana agha Abhatomwa 2:32

Yëësu uyö, yaaryökiibhwi na Waryobha ukurwa mo-bhaku, na bhëëtö bhonswe igho bhano toohano, na-bhaimërërri abha engʼana iyö.

Amangʼana agha Abhatomwa 3:15

Ku bhuyö mokamwita, na mbe we esemoko iya öbhöhöru bhwonswe igho hano bhöhëkëëyë! Kasi Waryobha akamuryökya ukurwa mo-bhaku, na bhëëtö m-bëëtö abhaimërërri abha ukuryoka ukwaye.

Amangʼana agha Abhatomwa 3:26

Ku bhuyö, hano Waryobha yaaryökëri Yëësu ömököri uwaaye uwa emeremo, nkö-bhëënyu yaamötömirë mbere, okore abhangʼoore ko okobharuusya bhonswe igho mo-bhoghogho ubhwënyu bhono moonabho.”

Amangʼana agha Abhatomwa 6:14

Kora tokamwighwa araghamba igha, Yëësu uwa Nazarëëti, naaretemora risengerro irya Waryobha reno, kora asyöri seteemo seno Mosa yaatoraghërrëëyi.”

Abharuumi 4:24

kasi ngaandëkirwë ko okoghera iya bhëëtö bhonswe igho. Nkötötëëbhya gharë obhoheene igha, hano toraakumi Waryobha ono yaaryökya Omonene uwëëtö Yëësu Kiristo, hayö ho na bhëëtö bhonswe toraabharwe igha, m-ba heene törë.

Abharuumi 6:4

Ensonga iyaamo ni-igha, hano twaabhatiisiibhwi, ntwaabhaayë kya bhano tukuurë na okobheekwa hamwë nawe. Yëësu Kiristo yaamarrë akaryoka ko obhotoro obhonene ubhwa Taata Waryobha, ku bhuyö na bhëëtö bhonswe, ni-igha tobhe na eteemo iya öbhömënyi obhohya.

Abharuumi 8:11

Umwika Ömöhörëëru ono amënyirë mo-senkoro isyënyu, uyö we Umwika uwa Waryobha ono yaaryökëri Kiristo Yëësu. Ku bhuyö Waryobha nariryökya ëmëbhërë ighyënyu gheno ghikukwa ko okohetera obhotoro ubhwa Umwika Ömöhörëëru uyöuyö.

1 Abhakörintö 15:12

Mbe, nyoore nkoraareka törë igha, Kiristo yaaryökirë ukurwa mo-bhaku, bhoono n-kwakë abhandë mö-bhëënyu bhakoghamba igha, ukuryoka ukwa abhaku tekooho hë?

Abhakorosaai 2:12

Mbe, hano mwaabhatiisiibhwi, mwaakurë hamwë na Kiristo, kora ghwiki mokaryoka hamwë nawe ko bhoora mwaaisëghirë obhotoro ubhwa Waryobha ono yaamuryökëri ukurwa mo-bhaku.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.