Yohana 2:16 - Imuuma Eehya

¹⁶ Akatëëbhya bhano bhaaghöryanga ibhighuuti igha, “Muruusi-ho ëbhëntö bheno muhire iyö! Motakaakora inyumba iya Taata ebhe omoteera!”

Yohana 2:16 ပူးပေါင်းရင်းမြစ်များ

Mataayo 21:12

Mbe, Yëësu akasoha mo-bhogho ubhwa risengerro irya Waryobha. Hano yaasöhirë-mo, akasimya ökökënyia abhantö bhano bhaaghöryanga, na bhano bhaaghoranga muyö ëbhëntö. Akahenora semeeza isya bhano bhaaswënianga seehera. Akahenora na ibhitumbë ibhya bhano bhaaghöryanga ibhighuuti.

Mataayo 21:13

Yëësu akabhatëëbhya igha, “Yandëkirwë mo-Maandeko Amahörëëru igha, ‘Risengerro iryane nderaabhe ahasë aha amasabhi.’ Kasi bhoono bhëënyu mörëkörrë kya ‘risana irya abhasaki!’”

Mataayo 22:5

Kasi abharaarekwa bhaara, bhakasera. Bhakaghya ko-meremo ighyabho. Uwöndë akaghya kö-möghöndö ughwaye, uwöndë ku-bhyashara ibhyaye.

Maariko 11:17

Hano Yëësu yaamarrë, akabhëëghya igha, “Kasi tiyandëkirwë mo-Maandeko Amahörëëru igha, ‘Risengerro iryane, nderaabhe ahasë aha amasabhi ko-bhantö abha ibhyaro bhonswe igho’? Kasi bhoono bhëënyu mörëkörrë kya ‘risana irya abhasaki!’”

Ruuka 2:49

Umwene akamohonshora igha, “N-kwakë mwaarë kuntuna? Nko okoghamba igha, temwaarë momanyirë igha, ni-igha mbe mu-risengerro irya Taata?”

Yohana 10:29

Taata ono yaangʼaana bhayö, m-Monene okokera bhonswe igho, ku bhuyö, taaho ömöntö ono akotora okobhasakörya ukurwa mo-mabhoko aghaaye.

Yohana 2:15

Hano Yëësu yaarööshë ghayö, akakora umushariti, akabhakënyia bhonswe igho ukurwa mo-bhogho ubhwa risengerro irya Waryobha, hamwë na amangʼöndi bheena sengʼombe. Akatabhutatabhuta amatöngörö agha abhaswënia, akahenora kora na semeeza isyabho.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Yohana 5:17

Kasi Yëësu akabhahonshora igha, “Waryobha n-Taata, nkokora arë emeremo sinkö syonswe igho, nkyo kekoghera na öni wonswe ndakora emeremo.”

Yohana 8:49

Yëësu akabhahonshora igha, “Öni ntaana risambwa. Öni nkosooka ndë Taata, kasi bhëënyu temokonsooka hë.

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.