Yohana 2:10 - Imuuma Eehya

¹⁰ Hano ömötëti uyö yaahikirë, akamötëëbhya igha, “Kera ömököri uwa inyangi, nkotangata arë okohaana abhantö idivai inshiiya. Hano bhanywa këmwëkëmwë, ho bhoono akoreeta idivai amaiya ghano. Kasi uwe öbhëëkirë idivai inshiiya eno, m-boono waghereeta!”

Yohana 2:10 ပူးပေါင်းရင်းမြစ်များ

Mataayo 24:49

Bhoono, aikare okotema abhaghorwa bharikyaye bhaara, abhe uwa okorya na ukunywa amarwa.

Ruuka 12:45

“Kasi hano omoghorwa uyö araaighambere mo-motwe ughwaye igha, ‘Omonene uwaane, atëghëtirë ukukyora.’ Ku bhuyö, asimi okotema abhaghorwa bharikyaye bhano akwemererra, abha ekekari na ikishaasha. Aikarre obhoraaghëri, ubhunywi na öbhörëëbhi.

Ruuka 16:25

“Kasi Ibhurahimu akamohonshora igha, ‘Moona uwaane, uhiite igha waanyöörrë amangʼana amaiya mö-bhöhöru ubhwaho, na Raazaaro, akanyoora amaghogho. Kasi bhoono umwene hano, nkösërëënibhwa arë, na uwe nkunyanka örë hayö.

Amangʼana agha Abhatomwa 2:15

Motakaakanya igha abhantö bhano na-marwa ghabhaghöötirë, tebhanyööyë marwa hë. Bhoono bhëënyu temokomaaha igha n-saa taatu ëkërë iya nyinkyo?

1 Abhakörintö 11:21

ko bhoora hano mwarya, kera ömöntö mö-bhëënyu muyö, nkotangata arë okorya ibhyakorya ibhyaye, takosanga na abhandë hë. Ku bhuyö, abhandë nkutighara bharë na umweko, na abhandë unyoora bhaghöötirwë na amarwa.

Abhaëfësö 5:18

Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho.

1 Abhatësarönikë 5:7

Abhantö bhano bhakoraara sentero, nu-bhutikö bhakoraara. Kora abhanywi abha amarwa, nu-bhutikö bhakoghanywa.

Okohonyora 17:2

Omosooraare uyö, we abhakama abha ko-kebhara bhaakörrë nawe obhosooraare, na abhantö abha ko-kebhara kono, bhakaghootwa na obhosooraare ubhwaye bhuyö, kya hano ömöntö aghöötirwë na amarwa.”

Okohonyora 17:6

Nkamaaha omokari uyö, abhaaye kya ono aghöötirwë na amarwa, ko bhoora yaarenga anyööyë amaanyinga agha abhantö abha Waryobha, bhano bhaaitirwë ku ikibhuno ikya ukwimererra amangʼana agha Yëësu. Hano naamörööshë, nkaroghoora bhököngʼu!