Yohana 19:4 - Imuuma Eehya

⁴ Ghwiki Piraato akarishoka kebhara, akabhatëëbhya igha, “Motamaaha, tigha ndeete ömöntö uyö kebhara hano kö-bhëënyu, okore momanye igha, öni tëndööshë obhosarya bhwobhwonswe bhoora kö-möntö uyö hë.”

Yohana 19:4 ပူးပေါင်းရင်းမြစ်များ

Mataayo 27:19

Mbe, hano Piraato yaaikaayë ku-kitumbë ikyaye ikya okobhotorra ibhiina, mokaaye akatomana amangʼana ku-Piraato igha, “Otakaashe okore ëkëntö kyokyonswe keera ekeghogho kö-möntö uyö ataana risoro, ko bhoora, nyankibhwi bhököngʼu mo-kerooto ko okoghera iya we.”

Mataayo 27:24

Hano Piraato yaangʼurrë igha takaatörrë ukusyörya emetwe ighya abhantö bhayö, ko bhoora waanyöörrë bhasimiri riihë, ku bhuyö akaghegha amanshë, akaisaabha amabhoko mo-bhantö hayö. Yaakörrë igho, ukwörökya igha, taana risoro ryoryonswe reera ko engʼana iyö. Ho yaamarrë, akabhatëëbhya igha, “Teneena risoro ku ukwitwa ukwa ömöntö ono ataana risoro. Ku bhuyö ghayö, moghakore bhëënyu abheene.”

Mataayo 27:4

Akabhatëëbhya igha, “Nkörrë ëkëbhë ikya ukunyeera inikö ömöntö ono ataana risoro.” Kasi abheene bhakamohonshora igha, “Ghayö teghatötönëri hë, nu-uwe umwene ghatönëri.”

Mataayo 27:54

Hano omonene uwa abhasirikare hamwë na bhano bhaarendanga Yëësu bhaaighuurë ikirighiti na okomaaha ghaara ghaaikörrë, bhakoobhoha bhököngʼu, bhakaghamba igha, “M-maheene ömöntö ono, m-Moona uwa Waryobha yaarë.”

Ruuka 23:4

Mbe, Piraato akatëëbhya abhanene abha abhasëngëri bhayö, hamwë na esango iya abhantö igha, “Ömöntö ono, tëmörööshë na obhosarya bhobhonswe igho hë.”

Ruuka 23:41

Kasi bhëëtö m-bwa heene töbhötörrëëywë ikiina ko okorengʼaana na amangʼana aghëëtö ghano twaakora. Kasi ono, taana obhosarya bhobhonswe igho hë.”

Ruuka 23:47

Hano omonene uwa abhasirikare bhayö yaarööshë ghayö, akatöönia Waryobha na eno araghamba igha, “Okoghamba obhoheene, ömöntö ono n-wa heene yaarë ku-Waryobha.”

Yohana 18:33

Mbe, Piraato akasoha ghwiki mu-ghunyumba ghuyö, akaraghërrya igha bhareete Yëësu. Akamöbhöörya igha, “Uwe no-mokama uwa Abhayahudi örë?”

Yohana 18:38

Piraato akamöbhöörya igha, “Obhoheene n-këntö kë?” Hano Piraato yaamarrë ököbhöörya engʼana iyö, akarishoka ghwiki kebhara, akatëëbhya abhatangati abha Abhayahudi igha, “Öni tenkomaaha obhosarya bhobhonswe igho kö-möntö ono hë.

Yohana 19:6

Hano abhanene abha abhasëngëri na abhasirikare abhaabho bhaarööshë Yëësu, bhakashaghana bharaghamba igha, “Mohaneke ko-mosarabha, mohaneke ko-mosarabha!” Piraato akabhahonshora igha, “Momogheghe bhëënyu abheene, moghende momohaneke ko-mosarabha, ko bhoora öni tëmörööshë igha aana obhosarya hë.”

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhaëbhuraania 7:26

Omonene uwa abhasëngëri kya uyö, we akutunwa kö-bhëëtö, ko bhoora m-möhörëëru, taana isoro hë, taana obhoghogho hë, hare arë na ëbhëbhë, yaainyökibhwa ukughya mu-ryobha.

1 Peetero 1:19

Kasi yaabhatungurya okohetera ko amaanyinga ghano ghaana ubhwera obhonene. Amaanyinga ghayö, na-agha Yëësu Kiristo, uyö we yaarë kya ekemaanwa ikya ringʼöndi keno ketaana ekebheera handë risoro.

1 Peetero 2:22

Tiyaakörrë ëkëbhë kyokyonswe igho, handë okoghamba obhorongo bhwobhwonswe bhoora hë.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Yohana 3:5

Mmomanyirë igha Yëësu Kiristo yaaishirë ko-kebhara kono, okore aruusi-ho ëbhëbhë ibhyëtö. Ghwiki we taana ëkëbhë kyokyonswe keera hë.