Yohana 19:17 - Imuuma Eehya

¹⁷ Yëësu yaarenga aghëghirë omosarabha ughwaye hano bhaaghendanga, akaghya ahasë hano bhakobherekera ku-Kiëbhuraania igha, Ghorighoota, ensonga yaamo ni-igha, ëkëhöörë ikya ömöntö.

Yohana 19:17 ပူးပေါင်းရင်းမြစ်များ

Mataayo 10:38

Ömöntö wowonswe ono ataikërri ukunyoora inyanko iya okonsoorana, uyö taingʼarëëyë okobha umwegha uwaane hë.

Mataayo 16:24

Ho Yëësu yaamarrë akatëëbhya abheegha abhaaye igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Mataayo 27:37

Kighörö iya omotwe ughwa Yëësu, bhaamaamëkirë-ko ekebhaau keno kyandëkirwë-ko igha, ono n-yëësu, omokama uwa abhayahudi.

Maariko 10:21

Yëësu akamomaaherra, akamohansha, akamötëëbhya igha, “Usuuhirwë engʼana ëmwë. Kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu, hayö ho oraabhe na emongo mu-ryobha ku-Waryobha. Bhoono hayö omanye kuusha konsoorana.”

Maariko 15:26

Bhakandeka ko-mosarabha kuyö amangʼana agha ikiina ikya obhosarya ubhwaye igha, ono no-mokama uwa abhayahudi.

Maariko 15:32

Araibherekera igha, we Kiristo, Omokama uwa Abhaisiraëri. Aike mbe ukurwa ko-mosarabha tomaahe, okore tumukumi.” Kora abhantö bhaara bhaahanëkirwë ko-mesarabha hamwë nawe, bhonswe bhakamotoka.

Maariko 8:34

Akabherekera rikomo irya abhantö hamwë na abheegha abhaaye, akabhatëëbhya igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Ruuka 14:27

Ömöntö wowonswe igho, ono ataikërri ukunyoora inyanko iya okonsoorana, uyö taatore okobha umwegha uwaane hë.

Ruuka 23:26

Hano abhasirikare bhaaghyanga ukwita Yëësu, bhakasikana na ömöntö uwöndë ono yaabherekerwanga igha Simööni, uwa mu-mughi ughwa Kirene. Simööni uyö, yaarwanga mu-bhishishi. Bhakamoghoota, bhakamwitëëkya omosarabha, na eno ararwa nyuma Yëësu.

Ruuka 23:33

Bhakahika ahasë hano haabherekerwanga igha, ëkëhöörë ikya ömöntö, bhakamohaneka ko-mosarabha. Abhasarya abhabhërë bhayö bhonswe bhakahanekwa ko-mesarabha, uwöndë bhoryo ubhwa Yëësu na uwöndë bhömösi.

Ruuka 23:38

Amaandeko ghaatöörrwë ko-mosarabha kighörö ghandëkirwë igha, ono we omokama uwa abhayahudi.

Ruuka 9:23

Hano Yëësu yaamarrë okoghamba amangʼana ghayö, akabhatëëbhya bhonswe igho igha, “Ömöntö wowonswe ono akutuna okonsoorana, ni-igha aikaane umwene, aikërri ukunyoora inyanko iya okonsoorana sinsikö syonswe igho.

Yohana 19:13

Mbe, hano Piraato yaaighuurë amangʼana ghayö, akarishökya Yëësu kebhara, akaghya akaikara ku-kitumbë ikya okobhotorra ibhiina. Ahasë hayö, habherekerwanga igha Öbhööri ubhwa Ritare. Ko-keghambo ikya Ikiëbhuraania ni-igha Ghabhata.

Yohana 5:2

Yërusarëëmu muyö, ghwaare-mo ughuhiita oghonene ghono ghwaabherekerwanga ku-Kiëbhuraania igha, “Ughuhiita ughwa amangʼöndi.” Haangʼë na ughuhiita ghuyö, ryaare-ho riribha reno ryaabherekerwanga ku-Kiëbhuraania igha Bhëtizaata. Riribha riyö, ryaarë na obhosekerro bhutaano ubhwa imitimö, bhono mbwaainaarri riribha riyö.

Amangʼana agha Abhatomwa 7:58

Bhakamuhira kebhara iya umughi ughwa Yërusarëëmu, bhakasimya okomotema na amaghena. Abhaimërërri abha engʼana iyö, bhakaruusya singibho isyabho, bhakasetoora ko-maghörö agha umumura uwöndë, ono yaabherekerwanga igha Sauri, okore asenaghi.