Yohana 18:8 - Imuuma Eehya

⁸ Yëësu akabhatëëbhya igha, “Mmarrë okobhatëëbhya igha nö-öni. Nyoore nö-öni mukutuna, mutighe bhano bhaghende hano bhakutuna ukughya.”

Yohana 18:8 ပူးပေါင်းရင်းမြစ်များ

Mataayo 26:56

Kasi bhoono ghano ghonswe igho ghabhaayë, okore amangʼana agha ömörööti ghaara gharëngë mo-Maandeko Amahörëëru ghahekerane.” Mbe, abheegha abhaaye bhonswe igho bhakangʼosa.

Yohana 10:28

Öni nkoghahaana ndë öbhöhöru ubhwa amakora ghonswe igho, tegharisira kora hake hë. Ghwiki taaho ömöntö ono akotora okoghasakörya ukurwa mo-mabhoko aghaane.

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 13:36

Mbe, Simööni Peetero akabhöörya Yëësu igha, “Kana Omonene, hai ukutuna ukughya?” Yëësu akamohonshora igha, “Ahasë hano nkutuna ukughya, uwe tootore ukughya-yo bhoono igho hë, kasi nurighya-yo nkaagha iyëndë.”

Yohana 16:32

Tamaaha, enkaagha iriihika, kora emarrë ukuhika, eno murinyaraghana, kera ömöntö aghende waaye, muntighe öni umwene. Kasi tëndëngë öni umwene igho hë, ko bhoora Taata hamwë arë na öni.

Yohana 18:7

Yëësu akabhabhöörya ghwiki igha, “Kana, nawë mukutuna?” Bhakamohonshora igha, “Toratuna Yëësu uwa Nazarëëti.”

Yohana 18:9

Yëësu yaaghambirë igho, okore ghahekerane amangʼana ghano yaaghambirë ekembere igha, “Abhantö bhano waangʼaana, naabhanaghyanga bhuuya, taaho kora ömwë ono yaasira ko bhano waangʼaana.”

1 Abhakörintö 10:13

Amashaasho ghano mwaanyoora, n-kya ghano abhantö abhandë bhakunyooranga. Kasi momanye igha, Waryobha uwa heene, taatighe mushaashwe okokera obhotoro ubhwënyu. Hano mwashaashwa, Waryobha nkobhahaana arë obhotoro ubhwa ököghömërrya na enshera iya ukurwa-mo.

2 Abhakörintö 12:9

Kasi Omonene akantëëbhya igha, “Örööbhö urwane ndukwisirë, ko bhoora mö-bhötëntëëru muyö, mo obhotoro ubhwane bhokomaahwa.” Ku bhuyö nendaaikumi ku ukushomerwa bhököngʼu, ko okoghera iya öbhötëntëëru ubhwane, okore obhotoro ubhwa Yëësu Kiristo, bhobhe hamwë na öni.

Abhaëfësö 5:25

Bhëënyu abhatëti, ni-igha mohanshe bhakëënyu kya bhono Yëësu Kiristo yaahanshirë ekanisa iyaaye, kora akaikwera.

1 Peetero 5:7

Moteghere Waryobha inyanko iyëënyu yonswe igho, ko bhoora nkobhaighwera arë öbhörrö bhököngʼu.