Yohana 17:6 - Imuuma Eehya

⁶ Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 17:6 ပူးပေါင်းရင်းမြစ်များ

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 12:28

Taata Waryobha, honyora ubhuhika ubhwa iriina iryaho.” Mbe, engamba ekarwera mu-ryobha eraghamba igha, “Nhönyööyë ubhuhika ubhwane, kora ghwiki nendaaghëndërri okobhohonyora.”

Yohana 15:19

Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.

Yohana 15:3

Bhëënyu bhoono, m-buuya mörë, ko okoghera iya amëëghyö ghayö mbëëghëri.

Yohana 15:7

Bhëënyu hano moraabhe na öbhömwë na öni, na amangʼana aghaane ghonswe ghaikare mö-bhëënyu, kyokyonswe keno mukutuna, mosabhe Taata, naraabhahaane.

Yohana 17:12

Hano naarenga hamwë nabho, naabharendanga ko obhotoro ubhwa iriina iryaho reno wangʼaana. Nkabhanaghya bhuuya, taaho kora ömwë ono yaasira mo-bhayö, kasi n-ditamwe irya ukusira reera iryene igho, okore Amaandeko Amahörëëru ghahekerane.

Yohana 17:14

Öni marrë okobhatëëbhya engʼana iyaaho, ku bhuyö abhantö abha ko-kebhara kono bhabharëghirë. Mbabharëghirë ko bhoora bhatarëngë abha ko-kebhara kono, kya hano öni ntarëngë uwa ko-kebhara kono.

Yohana 17:16

Abhantö bhayö, tebharëngë abha ko-kebhara kono hë, n-kya hano öni ntarëngë uwa ko-kebhara kono.

Yohana 17:2

Wangʼaana ubhwera ubhwa okotangata abhantö bhonswe igho, okore mbahaane öbhöhöru ubhwa amakora ghonswe igho, abhantö bhonswe igho bhano waangʼaana.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 17:7

Mbe bhoono bhamanyirë igha, bhyonswe igho bheno waangʼaana, nku-uwe bhyaarwa,

Yohana 18:9

Yëësu yaaghambirë igho, okore ghahekerane amangʼana ghano yaaghambirë ekembere igha, “Abhantö bhano waangʼaana, naabhanaghyanga bhuuya, taaho kora ömwë ono yaasira ko bhano waangʼaana.”

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Yohana 6:39

Keno akutuna ono yaantoma ni-igha, ntakasirya ömöntö kora ömwë ko bhano akongʼaana, kasi mbaryöki urusikö urwa umuhiko.

Yohana 8:51

No-bhoheene nkobhatëëbhya igha, ömöntö wowonswe igho ono okosoorana amëëghyö aghaane, tarikwa röndë hë.”

Yohana 8:52

Mbe, Abhayahudi bhakatëëbhya Yëësu igha, “Bhoono tomarrë ukungʼura igha, uwe noona risambwa! Ibhurahimu yaakwa. Abharööti bhonswe bhaakwa. Kasi uwe oraghamba igha, ‘Ömöntö wowonswe igho ono okosoorana amëëghyö aghaane, tarikwa röndë hë.’

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Abharuumi 11:2

Waryobha tiyasendeka hayö abhantö abhaaye bhano yaashaaghööyë kora ekebhara ketaraabhombwa. Kanaa, mmotamanyirë kya bhono Amaandeko Amahörëëru ghakoghamba ko amangʼana agha Ëriya, agha ikikuuro ikyaye ku-Waryobha, ko okoghera iya Abhaisiraëri?

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhakorosaai 3:16

Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

2 Timoteo 1:13

Onaghi bhuuya amëëghyö agha obhoheene ghaara naakwëghëri. Öghëëghinga ko-bhantö, öghëndërri okobha na umukumo na righonshe bheno twaahaanwa ko okobha na öbhömwë na Kiristo Yëësu.

Abhaëbhuraania 2:12

Yëësu Kiristo yaaghambirë igha, “Nendaaraareke iriina iryaho ko bhahiiri abhaane, nendaarëëti amarëëtyö agha ökökötöönia mo-sesango isyabho.”

Abhaëbhuraania 3:6

Kasi Yëësu Kiristo, we n-kya Omoona uwa heene ono aana ubhwera ko-mangʼana agha inyumba iya Waryobha. Inyumba iyö, m-bëëtö, hano toraaghëndërri okobha abhakarë na okonagha bhuuya ko-keno tukwesegha.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

Okohonyora 2:13

Öni nemanyirë ahasë hayö mömënyirë, hayö, ho Oghosambwa ghokotonga. Nokaanyoora ni-igho amangʼana gharë, kasi nkunkumya mökërë. Kora enkaagha eno umwimërërri uwaane uwa heene Antipa yaaitirwë mu-mughi ughwënyu muyö Oghosambwa ghömënyirë, temwanyikaanirë hë. Antipa uyö, nu-mwimërërri uwaane uwa heene yaarë.

Okohonyora 3:10

Enkaagha iya inyanko niriisha ko-kebhara kyonswe igho, na abhantö bhonswe igho mbarishaashwa. Kasi bhëënyu, nendebharenda ko-nkaagha iyö, ko bhoora mwaaghömërrya inyaanyi kya bhoora naabharaghërrëëyi.

Okohonyora 3:8

Nemanyirë amangʼana aghëënyu ghonswe igho. Motamaaha! Öni nabheeghorra-ho ekesaku, kasi taaho ömöntö ono akotora ukukisiika. Nokaanyoora singuru isyënyu ne-nke, kasi mwaikërrya amëëghyö aghaane, kora temwanyangirë hë.