Yohana 17:25 - Imuuma Eehya

²⁵ Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:25 ပူးပေါင်းရင်းမြစ်များ

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 10:15

kya bhono Taata ammanyirë, na öni nemomanyirë. Nö-öni nkwiruusya öbhöhöru ubhwane, okore amangʼöndi aghaane ghatakaasira.

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Yohana 16:27

Taata we nabhahanshirë, ko bhoora monhanshirë, kora nkukumya mörë igha nko-Taata Waryobha naarwa.

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 16:30

Bhoono tomarrë okomanya igha, nomanyirë ghonswe igho, tekeeho ikibhuno ikya ömöntö ököbhöörya engʼana yoyonswe eera hë. Ku bhuyö tomarrë ukukumya igha, nku-Waryobha waarwa.”

Yohana 17:11

Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 17:18

Kya bhono waantoma ko-kebhara kono, ni-ighoigho na öni wonswe nkobhatoma ko-kebhara kono.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 6:19

Hano abheegha abha Yëësu bhaarenga bhahikirë obhotambë ubhwa sikiromiita isaano handë isansabha igho, bhakamaaha Yëësu araghenda ko-manshë kighörö, haangʼë na ubhwato, bhakoobhoha.

Yohana 7:29

Öni nemomanyirë, ko bhoora nku-uyö naarwa, kora we yaantoma.”

Yohana 8:19

Mbe, Abhafarisaayo bhakabhöörya Yëësu igha, “Kasi, Suwëënyu hai arëngë?” Yëësu akabhahonshora igha, “Öni temommanyirë hë, kora Taata temomomanyirë hë. Mokaammanyirë öni, Taata wonswe mokaamomanyirë.”

Yohana 8:55

Bhëënyu temomanyirë Waryobha hë, kasi öni nemomanyirë. Hano ndaaghambe igha temomanyirë hë, hayö nendaabhe omorongo kya bhëënyu. Kasi öni nemanyirë Waryobha, ghwiki ghano akoghamba, nkoghaghoota ndë.

Amangʼana agha Abhatomwa 17:23

Ko bhoora hano naarë okotaara mu-mughi ughwënyu mono, nitaahirë bhuuya ëbhëntö bheno mokosengerra, nkamaaha riighyö irya okosengerra-ko reno ryaarë ryandëkirë igha, ku-waryobha ono atamanyekaini. Waryobha uyö mokosengerra igho motamomanyirë, we nkutuna mbaraghërri.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 3:11

Taaho ömöntö wowonswe ono amanyirë amangʼana agha Waryobha hë. Kora taaho ono akutuna okomomanya hë.

Abharuumi 3:26

Yaakörrë igho, okore ööröki abhantö abha enkaagha eno igha, nu-uwa heene, ko okobhara abhantö bhonswe igho bhano bhakukumya Yëësu igha, m-ba heene.

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

Abhaëbhuraania 8:11

Tarebha-ho ömöntö uwa ukwörökërrya murikyaye hë, handë ömöntö uwa ukwörökërrya muhiiri uwaaye igha, ‘Omanye Omonene Waryobha,’ ko bhoora bhonswe igho, ukusimirya omoke okohekera ko-monene uwaabho, mbaremmanya.

1 Yohana 1:9

Kasi hano toraatëëbhi Waryobha igha twaakora ëbhëbhë, Waryobha naraatwabhere ëbhëbhë ibhyëtö. Naraatosaabhuure obhoghogho ubhwëtö bhwonswe igho, ko bhoora we n-wa heene, kora nkokora arë ubhwa heene.

Okohonyora 13:8

Abhantö bhonswe igho abha ko-kebhara kono, bhano amariina aghaabho ghatandëkirwë mo-ketabho ikya Öbhöhöru, mbareghosengerra. Eketabho kiyö, ni-ikya Omoona Ringʼöndi ono yaanshinshirwë, nkyaandëkirwë ukurwa okosemoka ukwa ekebhara.

Okohonyora 16:5

Nkaighwa maraika umwimërërri uwa amanshë araghamba igha, “Ë Waryobha Ömöhörëëru, uwe ho waarë ukurwa kare na kora bhoono igho hö örë, uwe nu-uwa heene örë, na öbhöbhötöri ubhwaho ubhwa ikiina bhono, nu-bhwa heene.