Yohana 17:23 - Imuuma Eehya

²³ öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 17:23 ပူးပေါင်းရင်းမြစ်များ

Yohana 10:38

Kasi oraanyoore ndakora emeremo gheno Taata akokora, nokaanyoora öni timukunkumya hë, kasi mukumi emeremo ghiyö. Okohetera ko-meremo ghiyö, ho moraamanye igha, Taata naana öbhömwë na öni, na öni wonswe, nneena öbhömwë na Taata.”

Yohana 13:35

Hano moraahanshane, hayö ho abhantö bhonswe igho bharaamanye igha, bhëënyu m-beegha abhaane mörë.”

Yohana 14:10

Kasi tukukumya igha öni m-mönsë iya Taata ndëngë hë? Amangʼana ghayö nkobhatëëbhya, teghakurwa mo-maitegherro aghaane hë, kasi nko-Taata ghakurwa ono arëngë mönsë iyaane, uyö we akokora emeremo ighyaye gheno.

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:9

Kya bhono Taata anhanshirë, ni-igho na öni wonswe mbahanshirë, ku bhuyö mwikare mu-righonshe iryane.

Yohana 16:27

Taata we nabhahanshirë, ko bhoora monhanshirë, kora nkukumya mörë igha nko-Taata Waryobha naarwa.

Yohana 17:11

Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 6:56

Ömöntö ono akorya ömöbhërë ughwane na ukunywa amaanyinga aghaane, uyö nköghëndërrya arë okobha na öbhömwë na öni na öni wonswe nköghëndërrya ndë okobha öbhömwë nawe.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 3:28

Mbe, Umuyahudi na ömöntö ono atarë Umuyahudi, bhonswe igho n-këntö këmwë, omoghorwa bhaana ömötöönööni, umushaasha na omokari, bhonswe igho n-këntö këmwë mörë, ko bhoora moghootaini na Kiristo Yëësu.

Abhafiripi 3:15

Ku bhuyö bhëëtö bhonswe igho abhahangarru abha umukumo, ni-igha twikererrani ko-mangʼana ghayö. Nyoore moona amaitegherro ghano ghatanga kya ghayö ngambirë, Waryobha naraabhahonyorre moghamanye bhono gharë.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

Abhakorosaai 3:14

Ekenene ko-ghayö ghonswe igho, ni-igha mohanshane, ko bhoora righonshe nkoreeta rërë öbhömwë ubhwa heene ko bhonswe igho.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

Okohonyora 3:9

Motamaaha! Nendaakohaane abhasoorani abha inyumba iya esango iya Oghosambwa, bhano bhakwibherekera igha m-Bayahudi nabho te-Bhayahudi hë, kora m-barongo. Mbe, nendaabhakore bhaashe bhabhatemere hansë ibhiru. Ho bhayö bhonswe igho bhareemanya igha, öni nembahanshirë.