Yohana 17:19 - Imuuma Eehya

¹⁹ Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Yohana 17:19 ပူးပေါင်းရင်းမြစ်များ

Yohana 10:36

Taata we yaanyaahora, akantoma ko-kebhara, bhoono n-kwakë mokoghamba igha öni nkotoka ndë Waryobha hano naghamba igha, ‘Öni m-moona uwa Waryobha ndë?’

Yohana 15:13

Taaho ömöntö ono aana righonshe rinene, okokera righonshe irya ömöntö ukuruusya öbhöhöru ubhwaye, ko okoghera iya bhasaani abhaaye.

Yohana 15:3

Bhëënyu bhoono, m-buuya mörë, ko okoghera iya amëëghyö ghayö mbëëghëri.

Yohana 17:17

Obhakore bhabhe abhahörëëru ko obhoheene ubhwaho. Öbhëëghi engʼana iyaaho, ko bhoora engʼana iyaaho yo obhoheene.

Yohana 17:20

Te-bhayö abheene igho nkosabhera hë, kasi nkosabhera ndë na bhano bharinkumya ko okohetera ko engʼana iya bhayö nsabhëëyë.

1 Abhakörintö 1:2

nkobhakëërya törë bhëënyu bhano mörëngë mo-kanisa iya Waryobha, eno ërëngë Körintö hayö. Bhëënyu mwasaabhuurwa na Kiristo Yëësu. Mwabherekerwa igha, mobhe abhantö abha Waryobha, hamwë na bhonswe igho kera ahasë, bhano bhakosaasaama Omonene uwëëtö Yëësu Kiristo, ono arëngë Omonene uwaabho, na uwëëtö na bhëëtö bhonswe.

2 Abhakörintö 4:15

Inyanko yonswe igho eno tukunyoora, n-ko okoghera iya bhëënyu, okore örööbhö urwa Waryobha, rwaruhe na okohekeera abhantö abhaaru, kora abhantö bhayö bhakumi bhököngʼu Waryobha na ökömötöönia.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

1 Abhatësarönikë 4:7

Waryobha tiyaatöbhërëkëëyë igha tokore obhosooraare, kasi yaatöbhërëkëëyë okore tobhe abhahörëëru.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 10:29

Mbe, bhoono morakanya igha m-bushibhu ubhwa iyakë bhono araanyoore ömöntö ono akotashera hansë Omoona uwa Waryobha, na okomaaha igha amaanyinga agha Imuuma ghano ghaamosaabhuura te-ngʼana hë, na okokorra ikisiraani Umwika Ömöhörëëru?

Abhaëbhuraania 2:11

Yëësu Kiristo ono akosaabhuura abhantö, na bhano bhakosaabhuurwa, bhonswe igho suwaabho nö-ömwë. Nkyo kekoghera Yëësu Kiristo atakosooka okobhabherekera igha m-bahiiri abhaaye.

Abhaëbhuraania 9:13

Ko okorengʼaana na amaraghërryö agha Mosa, abhasëngëri mbaaminshanga amaanyinga agha seghaini na agha sëmböri na riibhu irya rikööhë ko-bhantö bhano bhaarë mu-bhumwamu, okore bhasaabhuurwe.

Abhaëbhuraania 9:18

Kiyö nkyo kyaaghërrë kora Imuuma eera iya mbere, yaakörrwë ku ukwëtëkya amaanyinga.

Abhaëbhuraania 9:26

Singa etaabhaayë igho, Kiristo nakaatëësirwë hare kaaru ukurwa okosemoka ukwa ekebhara keno. Kasi bhoono yaasha kamwë igho ko-senkaagha isya umuhiko seno, okore aruusi-ho ëbhëbhë ku ukwiruusya umwene kamwë igho abhe ikimwenso.

1 Yohana 3:18

Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.

1 Yohana 3:3

Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.