Yohana 17:18 - Imuuma Eehya

¹⁸ Kya bhono waantoma ko-kebhara kono, ni-ighoigho na öni wonswe nkobhatoma ko-kebhara kono.

Yohana 17:18 ပူးပေါင်းရင်းမြစ်များ

Mataayo 10:5

Mbe, Yëësu akatoma abhatomwa ikömi na bhabhërë bhayö, akabharaghërrya igha, “Motakaaghya ko-Bhakyaro, handë ku-mughi ghoghonswe ghoora ughwa Samaaria.

Mataayo 23:34

“Ko okoghera iya amangʼana ghayö, tamaaha, nendaatome abharööti, abhantö abhangʼaini na abhëëghya abha amaraghërryö agha Mosa. Abhandë moraabhaite, na okobhahaneka ko-mesarabha. Abhandë moraabhateme imishariti mu-sinyumba isya esango iyëënyu. Abhandë moraabhashobherenga kera umughi ghono bhakughya, okore mobhateese.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 20:21

Yëësu akabhakëërya ghwiki igha, “Mobhe na omorembe bhamurë. Kya bhono Taata Waryobha yaantoma, ni-ighoigho na öni wonswe nkobhatoma ko-kebhara kono.”

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 4:38

Naabhatömirë okoghesa bheno mötëëmiri. M-bantö bhandë bhanyankirë okokora emeremo, kasi bhëënyu, munyöörrë ehoorohooro iya emeremo ighyabho.”

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

Abhaëfësö 3:7

Bhoono öni emeremo ighyane, no-koraareka Amangʼana Amaiya kö örööbhö urwa amaabhë agha Waryobha ghano yaankörëëyë ko obhotoro ubhwaye.