Yohana 17:17 - Imuuma Eehya

¹⁷ Obhakore bhabhe abhahörëëru ko obhoheene ubhwaho. Öbhëëghi engʼana iyaaho, ko bhoora engʼana iyaaho yo obhoheene.

Yohana 17:17 ပူးပေါင်းရင်းမြစ်များ

Ruuka 8:11

“Ensonga iya ëkërëngyö kiyö ni-igha, Amangʼana Amaiya agha Waryobha, ngo imbusiro.

Ruuka 8:15

“Kasi simbusiro seno syaatöönyirë mu-rirobha iriiya, siyö na-bhantö bhano bhakwighwa engʼana iya Waryobha. Hano bhamara ukughitegherra, bhaghetoora mo-senkoro isyabho sinshiiya, na eno bharaghëndërrya okoghenaghya. Bhayö mbo bhakobha na örööbhö senkaagha syonswe igho.

Yohana 15:3

Bhëënyu bhoono, m-buuya mörë, ko okoghera iya amëëghyö ghayö mbëëghëri.

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Yohana 8:32

Kora moraamanye obhoheene, obhoheene bhuyö, mboraabhahaane öbhötöönööni.”

Yohana 8:40

Kasi bhoono nkutuna mörë enshera iya ukunyita, nokaanyoora mbatëëbhëri obhoheene bhono naaighuurë ukurwa ku-Waryobha. Ibhurahimu tiyaakörrë kya bhono mukutuna okonkorra hë.

Amangʼana agha Abhatomwa 15:9

Ku bhuyö keno Waryobha yaakörrë kö-bhëëtö, nkyo yaakörrë na ko bheene bhonswe. Nkoghamba ndë igho ko bhoora bhonswe mbaasaabhuurrwë senkoro isyabho, ko okohetera ukukumya Yëësu.

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

Abhaëfësö 4:21

Keno mwaaighwa ko amangʼana agha Yëësu, na keno abhëëghya abhëënyu bhaabhëëghya, m-maheene igha bhuyö no-bhoheene ubhwa ukurwa ku-Yëësu Kiristo, ubhwa amangʼana aghaaye kya igho gharë.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

Yaakobho 1:21

Ku bhuyö mwibhashe amangʼana agha ubhunyanku, mohaatere amangʼana amaghogho ghano moonagho. Mwihoote kora mwikërri amangʼana amaiya ghano Waryobha yaatoora mo-senkoro isyënyu, ghayö ngo ghakotora okobhatöörya.