Yohana 17:11 - Imuuma Eehya

¹¹ Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 17:11 ပူးပေါင်းရင်းမြစ်များ

Mataayo 10:16

Yëësu akaghëndërrya ukushumaasha na abheegha abhaaye, akabhatëëbhya igha, “Mwangarre, okobhatoma kono nkobhatoma mo-bhantö, n-kya hano amangʼöndi ghaahirwa mu-sishuushë ghatë. Ku bhuyö ni-igha mongʼainihe kya inshoka. Ghwiki ni-igha mobhe abhahaabhu kya ibhighuuti.

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Mataayo 6:9

Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe.

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 14:20

Urusikö roora hano rurihika, hayö ho moremanya igha, öni m-mönsë iya Taata ndë, na bhëënyu bhonswe m-mönsë iyaane mörë, na öni m-mönsë iyëënyu ndë.

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:6

Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Amangʼana agha Abhatomwa 3:21

Ni-igha Yëësu atighare mu-ryobha, okohekera enkaagha eno Waryobha arekora ëbhëntö bhyonswe igho mu-kyaro, bhebhe ebhehya, kya bhono yaaghambirë ukurwa kare okohetera ko-bharööti abhaaye abhahörëëru.

Abharuumi 12:5

Ömöbhërë ughwa Kiristo ghonswe ni-igho ghörë. Bhëëtö ntonga kya imyaho imyaru ighya ömöbhërë ughwa Kiristo. Kera ömöntö nu-mwaho ughwa murikyaye kö-möbhërë kuyö.

Abharuumi 9:17

Momaahe kya bhono Waryobha akoghamba mo-Maandeko Amahörëëru ko amangʼana agha Farao igha, “Naakohaayë obhokama okore nööröki abhantö obhotoro ubhwane okohetera ku-uwe, kora iriina iryane reraarekwenga ko-kebhara kyonswe igho.”

1 Abhakörintö 1:10

Abhakumya bharikyane, ndabhasaasaama okohetera iriina irya Omonene uwëëtö Yëësu Kiristo igha, mobhe na ubhwighwerrani, hayö ho moraabhe ëkëntö ëkëmwë. Mwangarre motakaahokana, kasi mobhe ëkëntö ëkëmwë, bhanyakiina ëkëmwë.

Abhagharatia 3:28

Mbe, Umuyahudi na ömöntö ono atarë Umuyahudi, bhonswe igho n-këntö këmwë, omoghorwa bhaana ömötöönööni, umushaasha na omokari, bhonswe igho n-këntö këmwë mörë, ko bhoora moghootaini na Kiristo Yëësu.

Abhaëfësö 4:4

Bhëëtö Abhakiristo n-kya bhono ömöbhërë ughwa ömöntö ghörë, ntoona Umwika Ömöhörëëru ooraoora, na ubhweseghe m-mboorabhoora toonabho bhono Waryobha yaatoraghaini hano yaatöbhërëkëëyë.

Abhafiripi 2:9

Ku bhuyö Waryobha yaamuryökëri, kora akamokora abhe ighörö, okokera ëbhëntö bhyonswe igho, ko okomohaana iriina rinene okokera amariina ghonswe igho,

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Abhaëbhuraania 9:24

Ko bhoora Yëësu Kiristo, tiyaasöhirë Ahasë Ahahörëëru aha Ahahörëëru, haara haana ituubho iya aha mu-ryobha, hano haakorwa na abhantö, kasi yaasöhirë mu-ryobha aheeneheene, okore amaahekane ku-Waryobha ko okoghera iya bhëëtö.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.

1 Peetero 1:5

Bhëënyu Waryobha nkobharenda arë ko obhotoro ubhwaye, okore munyoore öbhöhönia, bhono bhoremaahekana ku-sinsikö isya umuhiko. Keno kekoghera arabharenda, nu-mukumo ughwënyu ghono moonagho ku-Yëësu Kiristo.

1 Yohana 3:12

Totakaabha kya Kaini, ömöntö uwa Oghosambwa, oora yaaitirë mura waabho omoke. N-kwakë yaamwitirë? Yaamwitirë ko bhoora ghano Kaini yaakoranga, m-maghogho ghaarë, kasi ghano mura uwaabho omoke uyö yaakoranga, n-ga heene ghaarë.

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.

Okohonyora 15:4

Ë Omonene, ni-igha abhantö bhonswe igho bhakwobhohe, kora bhatööni iriina iryaho, ko bhoora nu-uwe umwene ömöhörëëru. Abhantö abha ibhyaro bhyonswe igho mbariisha, bhakosengerre, ko bhoora amangʼana aghaaho agha heene, nkomaahekana gharë harabhu igho.”

Okohonyora 19:12

Amaiso aghaaye, ngaarë kya emerengaari ighya omorro. Yaarenga aibhöhiibhwi ibhirighi ebheke ibhyaru ibhya ekekama ko-motwe ughwaye. Yandëkirwë iriina reno reetaamanyirwë na uwöndë, kasi nu-mwene igho we yaaremanyirë.

Okohonyora 4:8

Ëbhëntö ibhine bheera bhekoheeshera, mbyaarë na amabhabha asansabha. Amabhabha ghaara, ghaarë na amaiso ahasë honswe igho. Ëbhëntö bhiyö bhyaarëëtyanga ubhutikö na omobhasö, tibhyakiranga hë. Bhyaarëëtyanga igha, “Ömöhörëëru, Ömöhörëëru, Ömöhörëëru, no-Monene Waryobha uwa obhotoro bhwonswe igho, ono aaho, ho yaarë ukurwa okosemoka, nanyabhoono ho arë.”