Yohana 16:8 - Imuuma Eehya

⁸ Hano Ömötöörrya uyö ariisha kö-bhëënyu, naryörökërrya abhantö abha ko-kebhara kono, amangʼana atatö agha obhoghogho ubhwabho. Amangʼana ghayö na-agha ëbhëbhë ibhyabho, obhoheene ubhwabho, na okobhotorrwa ukwabho ikiina na Waryobha.

Yohana 16:8 ပူးပေါင်းရင်းမြစ်များ

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Yohana 16:9

Ko amangʼana agha ëbhëbhë ibhyabho, n-ko okoghera iya ukwanga ukunkumya.

Yohana 8:46

N-nawë mö-bhëënyu ono akotora ukwemererra mo-bhantö igha, öni m-mokora ëbhëbhë ndë? Hano oraanyoore igha na-mangʼana agha obhoheene nkobhatëëbhya, n-kwakë bhoono motakunkumya?

Yohana 8:9

Hano bhaaighuurë ghayö, bhakashuutwa mo-senkoro isyabho, bhakasimya okotanora ömwë ömwë igho, ukusimirya abhaghaaka okohekera abhamura. Yaahëkëëyë-ho Yëësu akatighara umwene igho na omokari uyö yaaimërëëyë mbere iyaaye.

Amangʼana agha Abhatomwa 2:37

Mbe, hano abhantö bhayö bhaaighuurë amangʼana ghayö Peetero yaaghambirë, bhakanyahaareka bhököngʼu mo-senkoro isyabho. Bhakabhöörya Peetero na abhatomwa bharikyaye igha, “Bhoono bhamurë abhëëtö iyakë tokaakora?”

1 Abhakörintö 14:24

Kasi hano bhonswe igho moraaruusi öbhörööti, amare asohe ömöntö ono ataana umukumo handë ono atamanyirë, ghano araaighwe kö-bhëënyu bhonswe igho, ngaraaghere amanye obhoghogho ubhwaye, kora ngaraamobhotorre ikiina mo-nkoro iyaaye.

Yuuda 1:15

okore abhotorre ikiina abhantö bhonswe igho, na okotoora harabhu amangʼana aghaabho amaghogho ghonswe igho, hamwë na amangʼana ghonswe igho, ghano abhaköri abha ëbhëbhë bhayö bhakoghamba bhoghogho Waryobha.”