Yohana 16:32 - Imuuma Eehya

³² Tamaaha, enkaagha iriihika, kora emarrë ukuhika, eno murinyaraghana, kera ömöntö aghende waaye, muntighe öni umwene. Kasi tëndëngë öni umwene igho hë, ko bhoora Taata hamwë arë na öni.

Yohana 16:32 ပူးပေါင်းရင်းမြစ်များ

Mataayo 26:31

Mbe, ho Yëësu yaamarrë, akatëëbhya abheegha abhaaye igha, “Bhëënyu bhonswe igho, moraashe mongʼose muntighe öni umwene ubhutikö ubhwa reero. Neraabhe kya bhoora Waryobha yaaghambirë mo-Maandeko Amahörëëru igha, ‘Nendaateme omonaghya, amangʼöndi ghanyaraghane.’”

Mataayo 26:56

Kasi bhoono ghano ghonswe igho ghabhaayë, okore amangʼana agha ömörööti ghaara gharëngë mo-Maandeko Amahörëëru ghahekerane.” Mbe, abheegha abhaaye bhonswe igho bhakangʼosa.

Maariko 14:27

Hano bhaarenga ko-nshera, Yëësu akatëëbhya abheegha abhaaye igha, “Bhëënyu bhonswe igho moraashe mongʼose ko bhoora yandëkirwë mo-Maandeko Amahörëëru igha, ‘Nendaateme omonaghya, amangʼöndi ghanyaraghane.’”

Maariko 14:50

Mbe, abheegha abhaaye bhonswe igho bhakangʼosa.

Yohana 12:23

Yëësu akabhahonshora igha, “Enkaagha ihikirë iya Omoona uwa Ömöntö okohaanwa ubhuhika.

Yohana 16:2

Abhantö mbaraabharughi murwe mu-sinyumba isya esango iya Abhayahudi. Kora enkaagha irihika-ho, eno kera ömöntö ono arebhaita, arekanyanga igha m-buuya akokora ku-Waryobha.

Yohana 16:25

“Mbarëngëëyi amangʼana ghayö kö-bhërëngyö, kasi enkaagha iriihika-ho eno ntarebharëngëryanga, ko bhoora nindishumaashanga na bhëënyu harabhurabhu igho amangʼana agha Taata.

Yohana 16:31

Yëësu akabhabhöörya igha, “Bhoono mukumiri?

Yohana 19:27

Ghwiki akatëëbhya umwegha oora igha, “Maaha uyö we nyakuwëënyu.” Mbe, ukurwa enkaagha iyö, umwegha uyö akaghegha nyakuwaabho Yëësu, akaghya ukwikara nawe ka waaye.

Yohana 20:10

Mbe, abheegha bhayö bhakakyora ka.

Yohana 4:21

Yëësu akamohonshora igha, “Ore omokari, uwe otankumya, enkaagha iriihika-ho, eno motaresaasaamanga Taata Waryobha ku-nguku kono, handë Yërusarëëmu eera.

Yohana 4:23

Kasi enkaagha eraasha, kora bhoono yaahikirë, eno abhantö bhano bhakosaasaama Taata Waryobha ko obhoheene, mbaremosaasaamanga ku Umwika, na ko obhoheene. Ko bhoora abhantö kya bhayö, mbo Taata Waryobha akutuna bhamosaasaamenga.

Yohana 5:25

No-bhoheene nkobhatëëbhya igha, enkaagha eraasha, kora bhoono ihikirë, eno abhaku bharaaighwe engamba iya Omoona uwa Waryobha. Abhaku bhano bharaaighwe engamba iyö, mbaraabhe na öbhöhöru.

Yohana 5:28

Motakaaroghoora amangʼana ghayö ngambirë, ko bhoora enkaagha irihika-ho, eno abhaku bhonswe igho abha mo-sembeehera, bhariighwa engamba iyaaye.

Yohana 8:16

Kasi hano nabhotorra ömöntö ikiina, nkomobhotorra ndë ikiina ko obhoheene ko bhoora tëndëngë öni umwene igho hë, kasi hamwë ndë na Taata ono yaantoma.

Yohana 8:29

Ono yaantoma hamwë arë na öni. Taraantigha öni umwene igho hë, ko bhoora nkokora ndë ghano ghakumushomera nkaagha syonswe igho.”

Amangʼana agha Abhatomwa 21:6

Tokaraghana, bhëëtö tokariina mu-ryato, abheene bhakakyora yeeka.

Amangʼana agha Abhatomwa 8:1

Sauri wonswe yaaikererrraini na ukwitwa ukwa Sitefaano. Mbe, abhantö bhano bhaaighweranga Waryobha, bhakabheeka Sitefaano, bhakamokoorra bhököngʼu. Urusikö roora Sitefaano yaaitirwë, abhantö abha ekanisa iya Yërusarëëmu, bhaanyankiibhwi bhököngʼu, kora bhakanyaraghana. Abhaaru mbaangʼösirë, kasi abhatomwa abha Yëësu abheene igho, mbo bhaatighaayë Yërusarëëmu hayö. Bhano bhaangʼösirë, mbaangʼösëëyë mo-mokowa ughwa Yudea na Samaaria.