Yohana 16:3 - Imuuma Eehya

³ Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 16:3 ပူးပေါင်းရင်းမြစ်များ

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Yohana 15:23

Ömöntö ono akondegha, nkoregha arë na Taata wonswe.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 8:19

Mbe, Abhafarisaayo bhakabhöörya Yëësu igha, “Kasi, Suwëënyu hai arëngë?” Yëësu akabhahonshora igha, “Öni temommanyirë hë, kora Taata temomomanyirë hë. Mokaammanyirë öni, Taata wonswe mokaamomanyirë.”

Yohana 8:55

Bhëënyu temomanyirë Waryobha hë, kasi öni nemomanyirë. Hano ndaaghambe igha temomanyirë hë, hayö nendaabhe omorongo kya bhëënyu. Kasi öni nemanyirë Waryobha, ghwiki ghano akoghamba, nkoghaghoota ndë.

Amangʼana agha Abhatomwa 3:17

“Bhoono abhahiiri abhëëtö, ghayö ghonswe igho mwaakörëëyë Yëësu, bhëënyu na abhanene abhëënyu, nemanyirë igha, mwaakörrë motamanyirë keno mwaakoranga.

1 Abhakörintö 2:8

Taaho ömötöngi uwa ko-kebhara kono kora ömwë, ono amanyirë obhongʼaini bhuyö. Singa bhakaabhomanyirë, tebhakaahanëkirë Omonene uwa ubhuhika ko-mosarabha hë.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

1 Yohana 2:23

Ömöntö ono akwanga Omoona uwa Waryobha, uyö taana öbhömwë na Taata Waryobha hë. Kasi, ono akwikërrya Omoona uyö ko-bhantö, uyö naana öbhömwë na Taata Waryobha.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 4:8

Kasi ömöntö wowonswe igho ono atahanshirë bharikyaye, uyö tamanyirë Waryobha hë, ko bhoora Waryobha we arëngë righonshe.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.