Yohana 16:27 - Imuuma Eehya

²⁷ Taata we nabhahanshirë, ko bhoora monhanshirë, kora nkukumya mörë igha nko-Taata Waryobha naarwa.

Yohana 16:27 ပူးပေါင်းရင်းမြစ်များ

Mataayo 10:37

Ömöntö wowonswe ono araahanshe suwaabho, handë nyakuwaabho konkera, uyö taingʼarëëyë okobha umwegha uwaane hë. Ömöntö wowonswe ono araahanshe mura uwaaye, handë mohara uwaaye konkera öni, uyö taingʼarëëyë okobha umwegha uwaane hë.

Yohana 14:21

Ömöntö ono amanyirë na okoghoota imighiro ighyane, uyö we anhanshirë. Ömöntö ono anhanshirë, Taata naraamohanshe. Na öni nendaamohanshe na ukwihonyora ko-we.”

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 16:30

Bhoono tomarrë okomanya igha, nomanyirë ghonswe igho, tekeeho ikibhuno ikya ömöntö ököbhöörya engʼana yoyonswe eera hë. Ku bhuyö tomarrë ukukumya igha, nku-Waryobha waarwa.”

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 3:13

Taaho ömöntö wowonswe igho ono yaahika mu-ryobha. Kasi öni Omoona uwa Ömöntö mmu-ryobha naarwera.

Yohana 7:29

Öni nemomanyirë, ko bhoora nku-uyö naarwa, kora we yaantoma.”

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

1 Abhakörintö 15:47

Ömöntö uwa mbere, yaabhömbirwë ukurwa ku-rirobha. Kasi ömöntö uwa kabhërë we mu-ryobha yaaruurë.

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

2 Abhakörintö 5:14

Righonshe irya Yëësu Kiristo, nkototangata rërë, ko bhoora ntomanyirë igha, ömöntö ömwë yaakuurë ko okoghera iya abhantö bhonswe igho, ensonga yaamo ni-igha, abhantö bhonswe igho mbaakuurë.

Abhagharatia 4:4

Kasi hano enkaagha yaahëkëëyë-ho, Waryobha akatoma Omoona uwaaye ono yaabhaayë ömöntö kya bhëëtö, yaaibhööywë enkaagha iya öbhöghööti ubhwa amaraghërryö agha Mosa.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

1 Timoteo 1:15

Engʼana eno nemanyekaini igha, “Kiristo Yëësu yaaishirë ko-kebhara kono, okore atööri abha ëbhëbhë.” Obhoheene, ni-igho amangʼana gharë, ku bhuyö ni-igha abhantö bhaikërri. Mo-bhantö abha ëbhëbhë, öni wa ëbhëbhë ndë okokera bhonswe igho.

Abhaëbhuraania 12:6

Ko bhoora kera ono Omonene Waryobha ahanshirë, nkumuhiinya arë. Nkushibhya arë kera ono akwikërrya igha, Waryobha n-Suwaabho.”

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

Okohonyora 3:19

Nkokaania ndë na ukuhiinya bhano nhanshirë. Mbe, mokore omotono ughwa okohongora ëbhëbhë ibhyënyu.

Okohonyora 3:9

Motamaaha! Nendaakohaane abhasoorani abha inyumba iya esango iya Oghosambwa, bhano bhakwibherekera igha m-Bayahudi nabho te-Bhayahudi hë, kora m-barongo. Mbe, nendaabhakore bhaashe bhabhatemere hansë ibhiru. Ho bhayö bhonswe igho bhareemanya igha, öni nembahanshirë.