Yohana 16:22 - Imuuma Eehya

²² Ni-ighoigho kora na bhëënyu bhonswe mobhaabhayëëyë, kasi nendaashe mmaahane ghwiki na bhëënyu, mushomerwe mo-senkoro isyënyu. Taaho ömöntö araabharuusiri-ho ukushomerwa ukwënyu kuyö.

Yohana 16:22 ပူးပေါင်းရင်းမြစ်များ

Mataayo 28:8

Mbe, abhakari bhayö bhakatanora bhöngöbhöngö ukurwa mo-mbeehera hayö, na eno bhashömëëywë bhököngʼu, kasi bhaana entarëki. Bhakakenyera këmwë ukughya ökötëëbhya abheegha abha Yëësu ghaara maraika uyö yaabhatëëbhëri.

Ruuka 10:42

Engʼana në-ëmwë igho eno eeho, kora nëhëtërëëyë bhyonswe igho. Iyö yo Maryamu ashaaghööyë, na taaho ömöntö ono araamokaani ukunyitegherra hë.”

Ruuka 16:25

“Kasi Ibhurahimu akamohonshora igha, ‘Moona uwaane, uhiite igha waanyöörrë amangʼana amaiya mö-bhöhöru ubhwaho, na Raazaaro, akanyoora amaghogho. Kasi bhoono umwene hano, nkösërëënibhwa arë, na uwe nkunyanka örë hayö.

Ruuka 19:26

“Akabhatëëbhya igha, ‘Kera ömöntö ono akokora bhuuya emeremo gheno aanaghyo, nkumwëngërya ndë ughwöndë. Kasi ömöntö ono atakokora bhuuya omoremo ghono aanagho, keno aanakyo nkuruusibhwa arë.

Ruuka 24:41

Nokaanyoora bhaarööshë ghayö, kasi tebhaakumiri hë. Ko bhoora mbaashömëëywë igho kora bhakaroghoora. Mbe, akabhabhöörya igha, “Mokaabha na ibhyakorya bhyobhyonswe igho hano?”

Yohana 14:1

Yëësu akaghëndërrya ukwëghya abheegha abhaaye igha, “Motakaabhaabhayera mo-senkoro isyënyu, mukumi Waryobha, kora na öni wonswe munkumi.

Yohana 14:19

Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 14:27

Motame na omorembe, omorembe ughwane ghuyö nkobhahaana, teghonga kya omorembe ughwa ko-kebhara kono hë. Motakaabhaabhayera mo-senkoro isyënyu, kora motakoobhoha kyokyonswe keera.

Yohana 16:16

“Ritighaayë ribhagha ike igho, temommaahe hë, ghwiki ribhagha riike riyö hano reraahete, mommaaha.”

Yohana 16:20

No-bhoheene nkobhatëëbhya igha, bhëënyu moraakuure kora mobhaabhayere, kasi abhantö abha ko-kebhara kono, mbaraashomerwe. Moraabhaabhayere, kasi okobhaabhayera ukwënyu nkuriisyörya kobhe ukushomerwa ukwënyu.

Yohana 16:6

Kasi ndamanya mobhaabhayëëyë bhököngʼu mo-senkoro isyënyu, ko bhono mbatëëbhëri igha, ndaghya ko-Taata.

Yohana 21:7

Umwegha omoghonshe bhököngʼu ku-Yëësu, akatëëbhya Peetero igha, “Ono no-Monene uwëëtö!” Hano Simööni Peetero yaaighuurë igha no-Monene uwaabho, akaibhoha ingibho iyaaye, akairekera mu-nyansha.

Yohana 4:14

Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”

Amangʼana agha Abhatomwa 13:52

Kasi abheegha abha Yëësu, bho bhakashomerwa bhököngʼu, bhakaghëndërrya okotangatwa na Umwika Ömöhörëëru.

Amangʼana agha Abhatomwa 16:25

Mbe, mu-bhutikö ghatë, Pauro bhaana Siira, bhakasaasaama Waryobha, bhakarëëtya amarëëtyö agha ökömötöönia. Abhabhohe bharikyabho, bhakabha bharabhaitegherra.

Amangʼana agha Abhatomwa 2:46

Bhaasikananga mo-bhogho ubhwa risengerro irya Waryobha sinsikö syonswe igho. Bhaasanganga omokaate mu-sinyumba isyabho, na okorya hamwë ibhyakorya bhashömëëywë mo-senkoro isyabho.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

Abhaëbhuraania 10:34

Mwaarenga na ikyabhera ko bhano bhaarenga bhabhöhirwë. Mwaaikërëëyi kora hano mwaaruusibhwanga ëbhëntö ibhyënyu, mwaashomerwanga. Mwaakörrë igho momanyirë igha, mo-senkoro isyënyu, mmoona ëbhëntö ibhya ubhwera obhonene bhököngʼu, bheno bhetakusika röndë.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

1 Peetero 1:8

Bhëënyu temwakaamörööshë hë, kasi momohanshirë. Kora nokaanyoora igha temokomomaaha bhoono igho hë, kasi nkumukumya mörë. Ku bhuyö, nkushomerwa mörë bhököngʼu moona ubhuhika bhono bhotakoghambwa,