Yohana 16:20 - Imuuma Eehya

²⁰ No-bhoheene nkobhatëëbhya igha, bhëënyu moraakuure kora mobhaabhayere, kasi abhantö abha ko-kebhara kono, mbaraashomerwe. Moraabhaabhayere, kasi okobhaabhayera ukwënyu nkuriisyörya kobhe ukushomerwa ukwënyu.

Yohana 16:20 ပူးပေါင်းရင်းမြစ်များ

Mataayo 21:38

Kasi bhuyö bhaarööshë umumura uyö, bhakakora ikiina, bhakaghamba igha, ‘Ono we arerya umwandö ughwa suwaabho. Ku bhuyö ni-igha tumwite, umwandö ghobhe ughwëtö.’

Mataayo 5:4

Nyakara bhano bhakobhaabhayera bhoono igho, ko bhoora Waryobha narebharusirya-ho ekesoma.

Maariko 14:72

Këmwë sekaraghora urwa kabhërë. Peetero akahiita engʼana eera Yëësu yaamötëëbhëri igha, “Noraashe unyikaane katatö setaraaraghora kabhërë.” Hano Peetero yaahiitirë engʼana iyö, akakuura bhököngʼu, amaisöri ghakarwa.

Maariko 16:10

Maryamu uwa Maghidara akaghya akatëëbhya bhano bhaabhanga hamwë na Yëësu. Enkaagha iyö mbaakuuranga bhabhaabhayëëyë.

Ruuka 22:45

Na hano yaamarrë okosaasaama Waryobha, akeemoka, akakyora ko-bheegha abhaaye, akanyoora bhaihiriibhwi, ko bhoora bhaabhaabhayëëyë.

Ruuka 22:62

Ho Peetero yaangʼösirë kughya kebhara, akasimya ukukuura bhököngʼu.

Ruuka 23:27

Abhantö m-baaru bhaarwanga nyuma Yëësu. Mo-bhayö, bhaare-ho abhakari bhano bhamokorranga bhabhaabhayëëyë.

Ruuka 24:17

Akabhabhöörya igha, “Kana m-mangʼana kë ghayö mukushumaashera ko-nshera kono?” Bhakaimerra na eno bhasorombaayë.

Ruuka 24:21

Kasi bhëëtö, ntwaaitengʼeranga igha, we Kiristo ono akaatutunguuyi Abhaisiraëri. Na reero, nu-rusikö urwa katatö, ukurwa rono ghayö ghaaikörrë.

Ruuka 6:21

Nyakara bhëënyu bhano moona umweko bhoono igho, ko bhoora muriighötibhwa. Nyakara bhëënyu bhano mukukuura bhoono igho, ko bhoora moreeseka.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Yohana 16:6

Kasi ndamanya mobhaabhayëëyë bhököngʼu mo-senkoro isyënyu, ko bhono mbatëëbhëri igha, ndaghya ko-Taata.

Yohana 20:20

Mbe, hano yaamarrë okoghamba ghayö, akabhöörökya amabhoko aghaaye, na orobharu urwaye, abheegha abhaaye bhayö, bhakashomerwa igha, bharööshë Omonene uwaabho.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Abharuumi 5:11

Te-ngʼana iyö iyeene igho hë, kasi Waryobha atökörrë tushomerwe bhököngʼu, ko bhoora Omonene uwëëtö Yëësu Kiristo, yaakora twaighwerrana na Waryobha.

2 Abhakörintö 6:10

Ntörëngë kya abhantö bhano bhabhaabhayëëyë, kasi nkushomerwa törë sinsikö syonswe igho. Ntonga kya abhatöbhu, kasi m-baaru tukwamëhya. Ntörëngë kya bhano totaana ëkëntö, kasi ëbhëntö bhyonswe igho, ntoonabhyo.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

1 Abhatësarönikë 1:6

Nokaanyoora mwaatëësirwë bhököngʼu ku ikibhuno ikya umukumo ughwënyu, kasi mwaaikërëëyi engʼana iyö ku ukushomerwa kono kukurwera ku-Mwika Ömöhörëëru. Nkö-bhëëtö na ko-Monene Yëësu nko mwëëghëëyë ököghömërrya ghayö.

Yaakobho 1:2

Abhakumya bharikyane, mushomerwenga hano mwashaashwa ukushaashwa kwokwonswe koora,

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.

Okohonyora 11:10

Uruku urwa abharööti abhabhërë bhayö, ndoreghera abhantö ko-kebhara bhashomerwe, bhakore inyangi kora bhatuhane. Mbarekora igho ko bhoora abharööti bhayö, bhaanyankëri bhököngʼu abhantö bhano bhataakumyanga Waryobha ko-kebhara kono.

Okohonyora 18:7

Mumushibhi na momoteese ko okorengʼaana na bhono yaakörrë akaameha igho, akaghya sinkuma. Ko bhoora igha, nkwihasha arë mo-maitegherro aghaaye araghamba igha, ‘Nikaayë kya omokama omokari, ko bhoora tëndëngë musinö hë, tendebhaabhayera röndë hë!’