Yohana 16:19 - Imuuma Eehya

¹⁹ Yëësu akamanya igha bhaatunanga bhamöbhööri, ku bhuyö akabhabhöörya igha, “Nkobhoorania mörë ko engʼana eno ngambirë igha, ‘Ritighaayë ribhagha ike igho, temommaahe hë, na ghwiki igha nderaahete ribhagha ike igho, mommaahe’?

Yohana 16:19 ပူးပေါင်းရင်းမြစ်များ

Mataayo 6:8

Motakaabha na eteemo iyö, ko bhoora Waryobha Taata uwëëtö, namanyirë keno mukutuna, kora motaraamosabha.”

Mataayo 9:4

Kasi Yëësu yaamanyirë keno bhaaitegherranga, ku bhuyö akabhatëëbhya igha, “Motakaabha na amaitegherro amaghogho kya ghayö mo-metwe ighyënyu.

Maariko 9:32

Amangʼana ghayö Yëësu yaabhatëëbhëri, tebhaghamanyërrëëyi hë, kasi bhakoobhoha ökömöbhöörya.

Yohana 13:33

“Bhëënyu abhaana abhaane, nendaabhe na bhëënyu ko-nkaagha enke igho. Murintuna, kasi kya bhono naatëëbhëri abhatangati abha Abhayahudi, ni-ighoigho nkobhatëëbhya na bhëënyu bhonswe igha, eno nkughya, temotore ukuhika-yo hë.

Yohana 14:19

Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 16:16

“Ritighaayë ribhagha ike igho, temommaahe hë, ghwiki ribhagha riike riyö hano reraahete, mommaaha.”

Yohana 16:18

Mbe, bhakaghëndërrya okobhoorania igha, “Ensonga iya amangʼana ghano igha, ‘Ribhagha ike igho,’ në-ëëhë? Bhëëtö tetomanyirë keno akoghamba hë.”

Yohana 16:23

Ghwiki enkaagha iyö hano irihika, temoresabha engʼana yoyonswe igho hë. “No-bhoheene nkobhatëëbhya igha, kyokyonswe igho keno moresabhanga Taata okohetera ku iriina iryane, narebhahaana.

Yohana 16:26

Ko-nkaagha iyö, moreesabhanga Waryobha okohetera ku iriina iryane. Tenkoghamba igha nembasabhera ko-Taata.

Yohana 16:30

Bhoono tomarrë okomanya igha, nomanyirë ghonswe igho, tekeeho ikibhuno ikya ömöntö ököbhöörya engʼana yoyonswe eera hë. Ku bhuyö tomarrë ukukumya igha, nku-Waryobha waarwa.”

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Yohana 6:61

Hano Yëësu yaangʼurrë igha, abheegha abhaaye nkwibhëmbëërya bharë ko okoghera iya amangʼana ghayö yaaghambirë, akabhabhöörya igha, “Kasi, engʼana iyö nebhatimbirë?

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Abhaëbhuraania 4:13

Tekeeho ëkëntö keno kyaabhombwa keno ketarëngë harabhu igho ku-Waryobha. Ko bhoora ëbhëntö bhyonswe igho n-harabhu igho bhërë ku-Waryobha, uyö we törëtëëbhya amangʼana ghano tokokora.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.