Yohana 16:10 - Imuuma Eehya

¹⁰ Ko amangʼana agha obhoheene ubhwabho, n-ko bhoora öni nkughya ko-Taata, ghwiki temoremaaha röndë hë.

Yohana 16:10 ပူးပေါင်းရင်းမြစ်များ

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Yohana 16:5

Mbe, bhoono öni nkughya ndë ko-Taata, uyö we yaantoma kö-bhëënyu. Taaho ömöntö uwa ökömböörya igha, ‘Kana, hai ukughya?’

Yohana 3:14

“Mosa yaahanëkirë ritöndö irya inshoka iya ishabha kö-mötë kighörö, ku-riköngö haara. Mbe, ni-ighoigho na öni Omoona uwa Ömöntö ni-igha nhanekwe kighörö,

Yohana 5:32

Kasi aaho uwöndë ghwiki ono akwimererra amangʼana aghaane, uyö n-Waryobha, na öni nemanyirë igha, ubhwimërërri ubhwaye, nu-bhwa obhoheene.

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Amangʼana agha Abhatomwa 17:31

Ko bhoora yaatoora-ho urusikö, rono arebhotorra abhantö bhonswe igho ibhiina ibhyabho ko bhoheene. Waryobha, yaamara okotoora-ho ömöntö, ono arebhotorra abhantö ibhiina bhyabho. Yöörökya abhantö bhonswe igho obhoheene ubhwa amangʼana ghayö, ku ukuryökya ömöntö uyö ukurwa mo-bhaku.”

Amangʼana agha Abhatomwa 2:32

Yëësu uyö, yaaryökiibhwi na Waryobha ukurwa mo-bhaku, na bhëëtö bhonswe igho bhano toohano, na-bhaimërërri abha engʼana iyö.

Amangʼana agha Abhatomwa 3:14

mokasabha Piraato igha abhatashorre umwiti, kasi atakaabhatashorra Yëësu. Mokaanga Yëësu Ömöhörëëru uwa Waryobha, ono ingʼarëëyë ku-Waryobha.

Amangʼana agha Abhatomwa 7:52

Kasi aaho ömörööti kora ömwë ono bhaatanyankëri? Bhaaitirë bhano bhaaraarekanga ukuusha ukwa Ömöntö uwa Heene uwa Waryobha! Ömöntö uwa Heene uyö, we bhoono bhëënyu mwaanyëërëëyë inikö, mokamwita!

Abharuumi 1:17

Amangʼana Amaiya ghayö, nkwörökya gharë bhuuya kya bhono Waryobha akobhara abhantö igha m-ba heene. Nkobhara arë abhantö igha m-ba heene, ko okohetera umukumo ughwabho ughwene igho. N-kya bhono Amaandeko Amahörëëru ghakoghamba igha, “Ömöntö uwa heene, naremenyanga mu-mukumo ughwaye ghono aanagho.”

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 5:5

Kasi bhëëtö, keno tukwitengʼera ni-igha, Waryobha naraatobhare igha m-ba heene törë, ko bhoora tukukumya Kiristo. Kiyö nkyo tokoghanya ko obhotoro ubhwa Umwika Ömöhörëëru.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.