Yohana 15:8 - Imuuma Eehya

⁸ Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Yohana 15:8 ပူးပေါင်းရင်းမြစ်များ

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Mataayo 5:44

Kasi öni ndabhatëëbhya igha, mohanshenga abhabhisa abhëënyu, kora mosabherenga bhaara bhonswe igho, bhakobhateesa.

Mataayo 9:8

Hano rikomo irya abhantö ryaarööshë ghayö, rekaroghoora bhököngʼu kora rekoobhoha. Rekatöönia Waryobha ono yaahaayë abhantö ubhwera kya bhuyö.

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Yohana 13:35

Hano moraahanshane, hayö ho abhantö bhonswe igho bharaamanye igha, bhëënyu m-beegha abhaane mörë.”

Yohana 15:5

“Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.

Yohana 8:31

Mbe, Yëësu akatëëbhya Abhayahudi bhaara bhaamukumiri igha, “Hano moraaghëndërri okoghoota amëëghyö aghaane, hayö moraabhe abheegha abhaane abha heene.

1 Abhakörintö 10:31

Mbe, hano mwarya handë ukunywa, handë hano mwakora kyokyonswe keera, mokorenga kwa ökötöönia Waryobha.

1 Abhakörintö 6:20

ko bhoora mmwaghörrwë öbhöghöri obhonene. Ku bhuyö ni-igha mötööninga Waryobha okohetera kö-mëbhërë ighyënyu ghiyö.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Tiito 2:10

Bhatakaabheebheranga, kasi bhabhe abhantö abha heene, okore eteemo iyaabho irute abhantö, bhashomerwe na amëëghyö agha Waryobha Ömötöörya uwëëtö.

Tiito 2:5

Ghwiki ni-igha, abhakari abhaana abhake, bhagheerenga ngʼora amangʼana, bhabhe abharöngë, bhanaghi bhuuya, amangʼana agha mu-sinyumba isyabho, bhabhe abhantö abha heene, bhano bhakosooka bhashaasha abhaabho. Obhatëëbhi bhakore igho, okore engʼana iya Waryobha etakaaserwa.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.