Yohana 15:27 - Imuuma Eehya

²⁷ Kora na bhëënyu bhonswe muryemererra amangʼana aghaane, ko bhoora hamwë mwaarëkobhanga na öni, ukurwa okosemoka.

Yohana 15:27 ပူးပေါင်းရင်းမြစ်များ

Maariko 1:1

Kono nko okosemoka ukwa Amangʼana Amaiya agha Yëësu Kiristo, Omoona uwa Waryobha.

Ruuka 24:48

Bhëënyu, mbo abhaimërërri abha amangʼana ghayö ko-bhantö.

Yohana 19:35

Amangʼana ghano ngaandekwa na ömöntö ono yaarööshë ghayö ghaikoranga. Ghano akoghamba no-bhoheene, kora umwene wonswe namanyirë igha, no-bhoheene akoghamba, okore na bhëënyu bhonswe mukumi.

Yohana 21:24

Umwegha uyö, we akwemererra amangʼana ghano, kora we yaandeka amangʼana ghano. Kora na bhëëtö bhonswe ntomanyirë igha, no-bhoheene akwemererra.

Amangʼana agha Abhatomwa 1:8

Kasi murinyoora singuru hano Umwika Ömöhörëëru ariisha kö-bhëënyu. Ho morebha abhaimërërri abha amangʼana aghaane Yërusarëëmu, Yudea yonswe igho, Samaaria na kora ko-kebhara kyonswe igho.”

Amangʼana agha Abhatomwa 13:31

Sinsikö sinsharu, Yëësu yaabhooshokeranga abhantö bhano bhaahinaini nawe Yërusarëëmu ukurwa mo-mokowa ughwa Ghariraaya. Abhantö bhayö, mbo abhaimërërri abha amangʼana ghaaye ko-bhantö.

Amangʼana agha Abhatomwa 18:5

Mbe, hano Siira na Timoteo bhaangʼaaraarrë ukurwa Makedonia ukuusha Körintö, Pauro akahengera mo-Bhayahudi ököbhëëghya engʼana iya Waryobha senkaagha syonswe igho. Akaimererra igha Yëësu we Kiristo.

Amangʼana agha Abhatomwa 23:11

Ubhutikö ubhwa urusikö ruyöruyö, Omonene Yëësu Yaabhööshökëëyë Pauro, akaimerra haangʼë nawe, akamötëëbhya igha, “Terema! Kya bhono waaimërërrëëyë amangʼana aghaane Yërusarëëmu hano, mbo oraaghaimererre mu-mughi ughwa Ruumi honswe.”

Amangʼana agha Abhatomwa 3:15

Ku bhuyö mokamwita, na mbe we esemoko iya öbhöhöru bhwonswe igho hano bhöhëkëëyë! Kasi Waryobha akamuryökya ukurwa mo-bhaku, na bhëëtö m-bëëtö abhaimërërri abha ukuryoka ukwaye.

Amangʼana agha Abhatomwa 4:20

Bhëëtö tituutighe ukushumaashera amangʼana ghano twaaighwa na ukwimaahera bhëëtö abheene!”

Amangʼana agha Abhatomwa 4:33

Abhatomwa abha Yëësu, mbaaimererranga amangʼana agha Omonene Yëësu ko-bhantö bhököngʼu, igha Omonene Yëësu yaaryökirë. Waryobha yaabhahaananga bhonswe igho örööbhö urwaye oronene,

1 Peetero 5:1

Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,

1 Peetero 5:12

Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.

Okohonyora 1:2

Yohana akaimererra amangʼana ghonswe igho ghano yaarööshë. Amangʼana ghayö yaarööshë, na-agha obhoheene bhono bhwahönyööywë na Yëësu Kiristo. Obhoheene bhuyö, mbo engʼana iya Waryobha.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.