Yohana 15:25 - Imuuma Eehya

²⁵ Amangʼana ghayö ghaabhaayë igho, okore ghahekerane Amaandeko Amahörëëru ghano ghakoghamba igha, ‘Bhaandëghirë bhosa igho.’

Yohana 15:25 ပူးပေါင်းရင်းမြစ်များ

Mataayo 10:8

Muhwëni abharööyë, muryöki abhaku, mosaabhuure abhaghenge, mwate amasambwa ko-bhantö. Mbahaayë bhosa obhotoro bhuyö, ku bhuyö na bhëënyu bhonswe mötörri abhantö bhosa.

Ruuka 24:44

Akabhatëëbhya igha, “Ghano na-mangʼana ghaara naabhatëëbhyanga hano twaarë hamwë. Naabhatëëbhëri igha, ghonswe ghano naandekerwa ngarikora, ngakaabha amangʼana agha amaraghërryö ighya Mosa, amaandeko agha abharööti, hamwë na agha mo-Zabhuri.”

Yohana 10:34

Yëësu akabhahonshora igha, “Kasi, netaandekwa mo-bhetabho ibhyënyu igha Waryobha yaaghambirë igha, ‘Bhëënyu m-bawaryobha mörë?’

Yohana 13:18

“Tenkoghamba amangʼana ghayö kö-bhëënyu bhonswe igho hë, ko bhoora nemanyirë bhano naashaaghora bhabhe abheegha abhaane. Kasi bhoono ghano, n-ko okoghera iya okohekerania Amaandeko Amahörëëru ghano ghakoghamba igha, ‘Ömöntö ono yaaryanga ibhyakorya ibhyane, aigharanshööyë, abhaayë umubhisa uwaane.’

Yohana 19:36

Ghayö ngaaikörrë, okore ghahekerane ghaara ghaandëkirwë mo-Maandeko Amahörëëru igha, “Tebhaabhunirë kora righuha iryaye hë.”

Abharuumi 3:19

Ku bhuyö ntomanyirë igha, hano Amaandeko Amahörëëru ghaghamba engʼana yoyonswe eera, nkunyoora örë ghararaghërrya bhano bhaahaaywë amaraghërryö agha Mosa. Amaraghërryö ngaatöörrwë-ho, okore Abhayahudi bhatakaasha okobha na ikitamërryö, hano Waryobha arebhotorra ekebhara keno ikiina ikyako. Hayö ho eremaahekana igha abhantö bhonswe igho, mbaingʼarëëyi okobhotorrwa ikiina na Waryobha.

Abharuumi 3:24

Kasi bhoono Waryobha kö örööbhö urwaye, aikërëëyi okobhara abhantö igha m-ba heene ku-mwene, bhatamohakirë kyokyonswe keera. Bhatunguribhwa ukurwa mö-bhëbhë ibhyabho okohetera ku-Kiristo Yëësu

2 Abhakörintö 11:7

Naaihöötirë kö-bhëënyu, ko okobharaarekera Amangʼana Amaiya agha Waryobha, ntabhasabhirë ehoorohooro, okore bhëënyu momaahekane igha, mmoona ubhwera obhonene. Bhoono hayö n-këbhë naakörrë?

Abhagharatia 2:21

Tentore ukwanga örööbhö urwa Waryobha hë. Nyoore ömöntö nkobharwa arë igha wa heene, ko okoghoota amaraghërryö agha Mosa, bhoono hayö toghambe igha, ukukwa ukwa Kiristo n-kwa bhosa!

2 Abhatësarönikë 3:8

Bhëëtö tetwaryanga ibhyakorya ibhya ömöntö wowonswe oora bhosa igho hë. Kasi ntwaarenga na omotono ughwa okokora emeremo ubhutikö na omobhasö, okore totakaanyankya ömöntö uwëënyu wowonswe oora.

Okohonyora 21:6

Ghwiki akantëëbhya igha, “Ghahekeraini! Öni nö-öni Esemoko na Umuhiko, nö-öni nkosemora amangʼana ghonswe igho na okoghamarërrya. Kera ömöntö ono aana inyonta, nendaamohaane amanshë agha bhosa anywe, ghano ghakurwa mo-bheseekaani ibhya amanshë agha öbhöhöru.

Okohonyora 22:17

Umwika Ömöhörëëru uwa Waryobha, na umwenga uwa Omoona Ringʼöndi, nkobherekera bharë Omonene igha, “Nshö!” Na abhantö bhonswe igho bhano bharaaighwe amangʼana ghayö, bhaghambe igha, “Nshö!” Wowonswe ono aana inyonta, ono akutuna amanshë, aashe anywe amanshë agha öbhöhöru bhosa igho.