Yohana 15:22 - Imuuma Eehya

²² Singa ntaasha nshumaashe nabho, tebhakaabhaayë na ëbhëbhë hë. Kasi bhoono, tebhaana ikitamërryö ikya ëbhëbhë ibhyabho hë.

Yohana 15:22 ပူးပေါင်းရင်းမြစ်များ

Ruuka 12:46

Mbe, omonene uwaaye uyö, narikyora urusikö na enkaagha eno omoghorwa uyö, atakotemera omotwe. Bhoono omonene uwaaye uyö, naraamushibhi bhököngʼu, amare amotoore hamwë na abhantö bhano bhataana umukumo.

Yohana 12:48

Ömöntö ono akuunyanga, ono atakwikërrya amangʼana aghaane, aana ono arebhotorrwa ikiina. Amangʼana ghayö ngambirë, ngo gharemobhotorra ikiina ku-rusikö urwa umuhiko.

Yohana 15:23

Ömöntö ono akondegha, nkoregha arë na Taata wonswe.

Yohana 15:24

Singa ntakora emeremo gheno ghetakokorwa na ömöntö wowonswe oora, tebhakaabhaayë na ëbhëbhë hë. Kasi bhoono, bharööshë emeremo gheno naakörrë, bhandëghirë öni hamwë na Taata wonswe.

Yohana 16:9

Ko amangʼana agha ëbhëbhë ibhyabho, n-ko okoghera iya ukwanga ukunkumya.

Yohana 19:11

Yëësu akamohonshora igha, “Uwe tokaabhaayë na obhotoro bhobhonswe igho ko amangʼana aghaane, singa Waryobha ataakohaana ukurwa ighörö iyö. Ku bhuyö ömöntö ono antöörrë mo-mabhoko aghaaho, naana ëkëbhë ekenene bhököngʼu kokera ikyaho.”

Yohana 9:41

Yëësu akabhahonshora igha, “Singa naasha nyoore igha m-bahukuru mörë, temokaabhaayë na isoro irya öbhököri ubhwa ëbhëbhë hë. Kasi bhëënyu nkoghamba mörë igha, nkomaaha mörë, ku bhuyö nköghëndërrya mörë okobha na risoro iryënyu, irya öbhököri ubhwa ëbhëbhë.”

Amangʼana agha Abhatomwa 17:30

Kare hayö, Waryobha yaaikörrë igha takomaaha amangʼana ghayö abhantö bhaakoranga, ko bhokangi ubhwabho ubhwa ukwanga komomanya. Kasi bhoono, nkötëëbhya arë abhantö bhonswe igho abha kera ahasë igha, bhahongore ëbhëbhë ibhyabho.

Abharuumi 1:20

Abhantö bharatora okomanya Waryobha kya bhono arë, ukurwa haara yaabhömbirë ëbhëntö bhyonswe igho. Nokaanyoora igha tebhakomomaaha hë, kasi ëbhëntö bheno yaabhömbirë, nkwörökya bhërë igha, Waryobha naana obhotoro bhwonswe igho, ghwiki igha, we Waryobha umwene igho, uwöndë taayo hë. Ku bhuyö taaho ömöntö ono akotora ukwitaamërrya igha, tamanyirë Waryobha hë.

Abharuumi 2:1

Mbe, uwe Umuyahudi murikyane, ono okobhotorra abhandë ibhiina, omanye igha, tootore ukwikoorerra ku-Waryobha. Omanye igha, hano wabhotorra murikyaho ikiina, nkunyoora örë oraibhotorra ikiina uwe umwene. Nkobha ërë igho, ko bhoora ëbhëbhë bhiyö akokora, mbyo uwe wonswe okokora.

Yaakobho 4:17

Ku bhuyö ni-igha, ömöntö ono amanyirë okokora amangʼana amaiya kasi takoghakora hë, hayö në-këbhë akokora.

1 Peetero 2:16

Momenye këtöönööni, kasi öbhötöönööni bhuyö, bhotakaaghera mokore amangʼana amaghogho. Momenye öbhömënyi bhono bhukwörökya abhantö igha, m-baköri abha emeremo abha Waryobha mörë.