Yohana 15:2 - Imuuma Eehya

² Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Yohana 15:2 ပူးပေါင်းရင်းမြစ်များ

Mataayo 13:12

Waryobha nareghera bhamanye bhököngʼu abhantö bhaara bhamanyirë engʼana nyabhorebhe, ko amangʼana agha Obhokama ubhwa Waryobha. Kasi ono atamanyërrëëyi bhuuya, Waryobha narimuruusya kora keera akokanya igha namanyirë.

Mataayo 13:33

Yëësu akabharëngërya ghwiki igha, “Obhokama ubhwa Waryobha n-kya ehamiira. Omokari nkoghegha arë ehamiira aghishooghania mo-bhose ubhwa engano ubhwa ebherengo bhitatö. Ehamiira iyö, nkoghera ërë obhose ubhwa engano bhuyö bhubhimba, bhwebhokerra.”

Mataayo 15:13

Yëësu akabhahonshora igha, “Ëkëntö kyokyonswe keno Taata uwa mu-ryobha atëëmya, narikiiha.

Mataayo 21:19

Akamaaha ömötë ghono ghokobherekerwa igha umutiini, ghörëngë haangʼë na enshera. Akaghusuntarra, kasi ehagho tiyaare-ko hë, na-matö agheene igho yaarööshë-ko. Akaihiima ömötë ghuyö igha, “Turyama röndë sehagho hë.” Kamwë igho, ömötë ghuyö ghokooma.

Mataayo 25:29

Ko bhoora ömöntö ono akokora omoremo ghono mmohaayë, nkumwëngërya ndë ughwöndë. Kasi ömöntö ono atakokora omoremo omoke ghono ukunyoora mmohaayë, kora ekeke keera ukunyoora aanakyo, nkumuruusya ndë.

Mataayo 3:10

Ikisirë haangʼë kërë okogheesha ëmëtë. Na ömötë ghoghonswe ghono ghotaana sehagho sinshiiya, ngoraagheeshwe, ghobhotorwe bhotorwe, ghotabhutwe mo-morro.”

Mataayo 3:12

Uyö, naana orohongo mo-kobhoko ukwaye, urwa ukwerorra. Hano aremara, narekomania engano aghetoore mo-ketara, kasi umwiruro, nareghosamba mo-morro ghono ghotakurima.”

Mataayo 7:19

Abhantö nkogheesha bharë kera ömötë ghono ghotakwama sehagho sinshiiya, bhaghotabhuta mo-morro.

Maariko 4:20

Kasi abhandë, mbatuubhaini na rirobha iriiya. Bhayö hano bhaighwa engʼana iyö, nkogheghoota bharë, ëmwë yaama sehagho merongo etatö, iyëndë merongo esansabha, na kora iyëndë righana.”

Ruuka 8:13

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Yohana 15:1

Yëësu akaghëndërrya ököbhëëghya igha, “Öni no-mozabhibhu ughwa heene ndë, na Taata we ömörëmi.

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 15:3

Bhëënyu bhoono, m-buuya mörë, ko okoghera iya amëëghyö ghayö mbëëghëri.

Yohana 15:6

Ömöntö wowonswe ono ataana öbhömwë na öni, uyö natuubhaini na risagharya reno resabhööywë, retabhutirwë kora ryömirë. Mbe, ömöntö nkobhoosha arë risagharya kya riyö, aretabhuta mo-morro, rerongora.

Yohana 15:8

Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Yohana 17:12

Hano naarenga hamwë nabho, naabharendanga ko obhotoro ubhwa iriina iryaho reno wangʼaana. Nkabhanaghya bhuuya, taaho kora ömwë ono yaasira mo-bhayö, kasi n-ditamwe irya ukusira reera iryene igho, okore Amaandeko Amahörëëru ghahekerane.

Abharuumi 11:17

Amasagharya aghandë ghaagheeshwa, na bhëënyu bhano monga kya Ëmëzëituuni ighya mwi-sisi mokaroobhwa-ko, okore mosange hamwë na amasagharya agha ömözëituuni ghono ghotarë ughwa mwi-sisi.

Abharuumi 11:22

Maaha mbe kya bhono Waryobha akokorra abhantö abhandë öbhöntö ubhwa heene, na kya bhono akushibhya abhandë, ubhushibhu obhonene! Yaashibhiri bhaara bhaangirë ukumukumya, naraakokorre öbhöntö ubhwa heene hano oraaghëndërri ukumukumya. Kasi hano oraange ukumukumya, uwe wonswe noraagheeshwe.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

1 Abhakörintö 13:1

Nenkaghamba ko-bheghambo ibhya abhantö, handë ibhya abhamaraika, kasi hano ntaana righonshe, m-bosa, obhoghambi ubhwane bhuyö, n-kituri kya bhosa igho, tebhoona moremo hë.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 12:15

Mwiyangarre bhököngʼu, ömöntö wowonswe oora atakaabhorwa örööbhö urwa Waryobha. Atakeebhoka-ho ömöntö mö-bhëënyu, ono anga kya umuri ömörörö. Ömöntö kya uyö, naraabhanyanki na ukunyankuhya senkoro isya abhantö abhaaru.

1 Yohana 2:19

Abhantö bhayö, mo-makanisa aghëëtö bhaarwa, kasi tebhaarë na öbhömwë ubhwa heene na bhëëtö hë. Singa bhaarë na öbhömwë ubhwa heene na bhëëtö, mbakaatighaayë kö-bhëëtö. Kasi mbaatanora, ekabha harabhu igho igha, tebhaarë na öbhömwë na bhëëtö hë.

Okohonyora 3:19

Nkokaania ndë na ukuhiinya bhano nhanshirë. Mbe, mokore omotono ughwa okohongora ëbhëbhë ibhyënyu.