Yohana 15:19 - Imuuma Eehya

¹⁹ Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.

Yohana 15:19 ပူးပေါင်းရင်းမြစ်များ

Mataayo 10:22

Abhantö mbarebharegha hasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.

Mataayo 24:9

Ko-nkaagha iyö, abhantö mbarebhaghoota, bhabhateese na okobhaita, na abhantö abha ibhyaro bhyonswe igho, mbarebharegha ko okoghera igha, m-basoorani abhaane mörë.

Ruuka 6:32

“Hano moraahanshe bhano bhabhahanshirë abheene igho, n-kë oraanyoore mökörrë? Kora abha ëbhëbhë bhonswe, nkohansha bharë bhano bhabhahanshirë.

Yohana 13:18

“Tenkoghamba amangʼana ghayö kö-bhëënyu bhonswe igho hë, ko bhoora nemanyirë bhano naashaaghora bhabhe abheegha abhaane. Kasi bhoono ghano, n-ko okoghera iya okohekerania Amaandeko Amahörëëru ghano ghakoghamba igha, ‘Ömöntö ono yaaryanga ibhyakorya ibhyane, aigharanshööyë, abhaayë umubhisa uwaane.’

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 6:70

Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.

1 Peetero 4:3

Kare hayö, mwaarenga na oronamba oroghogho, obhosooraare, na ubhunywi ubhwa amarwa. Mwaahanshirë sinyangi isya okorya, ubhunywi ubhwa okoheterania, na okosengerra ëbhëtöndö, engʼana iyö m-mughiro ku-Waryobha. Amangʼana ghayö mwaaghakörrë ibhagha itambë bhököngʼu. Bhoono motakaaghëndërrya ghwiki okokora igho.

1 Yohana 3:12

Totakaabha kya Kaini, ömöntö uwa Oghosambwa, oora yaaitirë mura waabho omoke. N-kwakë yaamwitirë? Yaamwitirë ko bhoora ghano Kaini yaakoranga, m-maghogho ghaarë, kasi ghano mura uwaabho omoke uyö yaakoranga, n-ga heene ghaarë.

Okohonyora 12:17

Ughushoka ghuyö, ghokarererra bhököngʼu omokari uyö. Ghokaghya ukwitana na abhaana abha omokari uyö bhano bhaatighaayë. Abhaana bhayö, na-bhantö bhano bhakoghoota amaraghërryö agha Waryobha, na ukwimererra Yëësu.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.