Yohana 15:14 - Imuuma Eehya

¹⁴ Nyoore mokora ghano nkobharaghërrya, momanye igha bhoono hayö, mobhaayë bhasaani abhaane.

Yohana 15:14 ပူးပေါင်းရင်းမြစ်များ

Mataayo 12:50

Ko bhoora ömöntö wowonswe ono akokora bhoora Taata Waryobha uwa mu-ryobha akutuna, uyö n-kya mura uwëëtö, mohara uwëëtö, na n-kya maayö.”

Ruuka 12:4

“Bhasaani abhaane, ndabhatëëbhya igha, motakoobhoha abhantö bhano bhakwita ömöbhërë ughwene igho. Hano bhaamara ukwita ömöbhërë, tebhaana ghwiki engʼana iyëndë hë.

Yohana 13:17

Nyoore momanyërrëëyi bhuuya amangʼana ghayö ngambirë, mbe momanye igha, Waryobha naraabhangʼoore hano moraakore kya bhuyö ngambirë.

Yohana 14:15

“Hano moraanhanshe, moraaghoote imighiro ighyane.

Yohana 14:21

Ömöntö ono amanyirë na okoghoota imighiro ighyane, uyö we anhanshirë. Ömöntö ono anhanshirë, Taata naraamohanshe. Na öni nendaamohanshe na ukwihonyora ko-we.”

Yohana 14:28

Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.

Yohana 2:5

Ho nyakuwaabho yaatëëbhëri abhaköri abha emeremo igha, “Ghonswe igho ghano araabhatëëbhi, mokore.”

Yaakobho 2:23

Ghayö ngaakörrwë, kora ghakandekwa mo-Maandeko Amahörëëru igha, “Ibhurahimu yaakumiri Waryobha, kiyö nkyo kyaaghërrë Waryobha akamobhara igha wa heene.” Akabherekerwa igha, m-mosaani uwa Waryobha.

1 Yohana 5:3

Ko bhoora hano ömöntö yahansha Waryobha, nkoghoota arë imighiro ighyaye. Kora imighiro ighyaye të-mëköngʼu ighya okoghoota hë.