Yohana 15:1 - Imuuma Eehya

¹ Yëësu akaghëndërrya ököbhëëghya igha, “Öni no-mozabhibhu ughwa heene ndë, na Taata we ömörëmi.

Yohana 15:1 ပူးပေါင်းရင်းမြစ်များ

Mataayo 15:13

Yëësu akabhahonshora igha, “Ëkëntö kyokyonswe keno Taata uwa mu-ryobha atëëmya, narikiiha.

Mataayo 20:1

Yëësu yaarëngëri ëkërëngyö keno igha, “Obhokama ubhwa Waryobha, mbonga kya ömöntö ono yaarë na ömöghöndö, akamuta nyinkyo shiri, ukughya kutuna abhantö abha okomokorra emeremo kö-möghöndö ughwaye ughwa emezabhibhu.

Mataayo 21:33

Mbe, Yëësu akaghëndërrya okobharëngërya ëkërëngyö ikyëndë, akabhatëëbhya igha, “Mwitegherre ëkërëngyö ikyëndë keno. Yaare-ho ömöntö uwöndë, ono yaarë na ömöghöndö ughwaye ghono yëëmëri-mo emezabhibhu. Akaghoghetera righöri, akatuka-mo ubhwina ubhwa okometera-mo sezabhibhu. Akahaghaasha-mo obhotaro ubhwa abharëndi. Hano yaamarrë akakodishirya abhantö, umwene akeemoka, akaghya ikyaro ikyëndë ikya hare.

Maariko 12:1

Yëësu akasimya ökörëngërya abhatangati abha Abhayahudi bhayö igha, “Yaare-ho ömöntö uwöndë, ono yaarë na ömöghöndö ughwaye ghono yëëmëri-mo emezabhibhu. Akaghoghetera righöri, akatuka-mo ubhwina ubhwa okometera-mo sezabhibhu. Akahaghaasha-mo obhotaro ubhwa abharëndi ubhwa okorendera ömöghöndö. Akakoodisha ömöghöndö ghuyö ko-bharëmi, we akakora oroghendo, akaghya ikyaro ikyëndë ikya hare.

Ruuka 13:6

Hano Yëësu yaamarrë okobhatëëbhya amangʼana ghayö, akabharëngërya ëkërëngyö keno igha, “Yaare-ho ömöntö, ono yëëmëri ömötë ughwa umutiini kö-möghöndö ughwaye. Hano yaaghëëyë ukutwa sehagho kö-mötë kuyö, akanyoora teseeko hë.

Yohana 1:17

Ko bhoora Waryobha yaarëëtirë amaraghërryö aghaaye ko okohetera Mosa, bhoono arëëtirë örööbhö na obhoheene ubhwaye ko okohetera ku-Yëësu Kiristo.

Yohana 1:9

Obhorabhu ubhwenebhwene, bhono bhokohaana abhantö bhonswe igho obhorabhu, nko-nshera bhwaarë bhoraasha ko-kebhara kono.

Yohana 15:2

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Yohana 6:32

Mbe Yëësu akabhatëëbhya igha, “No-bhoheene nkobhatëëbhya igha, tërëngë igha Mosa we yaahaayë bhaaghuuka wëënyu ibhyakorya bheno bhyaaruurë mu-ryobha, kasi n-Taata we akobhahaana ibhyakorya ibhya obhoheene bheno bhikurwa mu-ryobha.

Yohana 6:55

Ko bhoora ömöbhërë ughwane, ngo ibhyakorya ibhya obhoheene, na amaanyinga aghaane, ngo ikinywebhwa ikya heene.

Abharuumi 11:17

Amasagharya aghandë ghaagheeshwa, na bhëënyu bhano monga kya Ëmëzëituuni ighya mwi-sisi mokaroobhwa-ko, okore mosange hamwë na amasagharya agha ömözëituuni ghono ghotarë ughwa mwi-sisi.

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

1 Yohana 2:8

Nokaanyoora ngambirë igha, umughiro ghuyö nkobhandekera n-gwa kare, kasi ghwiki m-mohya. Obhoheene ubhwa obhohya ubhwa umughiro ghuyö, bhwaamaahekana kö-bhömënyi ubhwa Yëësu Kiristo. Öbhömënyi bhono bhëënyu moonabho, bhonswe nkwörökya bhörë igha, m-maheene umughiro ghuyö m-mohya. Ngambirë igho, ko bhoora igha, ikisuntë ikya obhoghogho na ukwanga okomanya, nkwihëënia bhërë, na obhorabhu ubhwa heene bhomarrë okorabherra.