Yohana 14:30 - Imuuma Eehya

³⁰ Öni tentore ukushumaasha na bhëënyu ku-ribhagha ritambë hë, ko bhoora Oghosambwa öghötöngi ughwa ekebhara keno ghoraasha. Kasi teghoona ubhwera bhwobhwonswe igho ku-öni hë.

Yohana 14:30 ပူးပေါင်းရင်းမြစ်များ

Ruuka 1:35

Maraika akamohonshora igha, “Umwika Ömöhörëëru narikwitoomera, na obhotoro ubhwa Waryobha ono arëngë kighörö iya bhyonswe igho, mburikukundikirya kya ikiiriiri. Ku bhuyö omoona ono uryebhora, narebha ömöhörëëru. Narebherekerwanga igha Omoona uwa Waryobha.

Ruuka 22:53

N-hamwë twaarëköghösöryanga sinsikö syonswe mo-bhogho ubhwa risengerro irya Waryobha, na temwankuniri hë, kasi bhoono, eno yo enkaagha iyëënyu, na iya obhosarya.”

Yohana 12:31

Bhoono enkaagha iya Waryobha iya okobhotorra ekebhara keno ikiina, ihikirë. Bhoono Oghosambwa ghono ghokotonga ko-kebhara kono, ngoraatabhutwe kebhara iyö.

Amangʼana agha Abhatomwa 1:3

Ku-sinsikö merongo ene ukurwa rono yaaryökirë, yaabhooshokeranga abhatomwa abhaaye, kö ebhemanyërryö ibhyaru, akabhöörökya heene igha m-möhöru. Akabha arabhëëghya amangʼana agha Obhokama ubhwa Waryobha.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhaëfësö 6:12

Nkobhatëëbhya ndë igho ko bhoora igha, riihë reno tukwitana, ti-irya kinyabhantö hë, kasi nkwitana törë riihë na ëbhëntö bheno bhetakomaahwa, ibhya ubhwera na obhotoro. Nkwitana törë riihë na abhanene abha amangʼana amaghogho, bhano bhakotonga ekebhara keno. Nkwitana törë riihë na amasambwa ghonswe igho ghano ghakokora amangʼana amaghogho, na amatöngi agha ahasë hano hatakomaahwa.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

Abhaëbhuraania 4:15

Momanye igha, uyö we Omonene uwa abhasëngëri, ono akotora ököghömërrania na bhëëtö kya igho törë, ko bhoora yaashaashwa ko mangʼana ghonswe igho kya bhëëtö, kasi tiyaakörrë ëkëbhë kyokyonswe igho hë.

Abhaëbhuraania 7:26

Omonene uwa abhasëngëri kya uyö, we akutunwa kö-bhëëtö, ko bhoora m-möhörëëru, taana isoro hë, taana obhoghogho hë, hare arë na ëbhëbhë, yaainyökibhwa ukughya mu-ryobha.

1 Peetero 1:19

Kasi yaabhatungurya okohetera ko amaanyinga ghano ghaana ubhwera obhonene. Amaanyinga ghayö, na-agha Yëësu Kiristo, uyö we yaarë kya ekemaanwa ikya ringʼöndi keno ketaana ekebheera handë risoro.

1 Peetero 2:22

Tiyaakörrë ëkëbhë kyokyonswe igho, handë okoghamba obhorongo bhwobhwonswe bhoora hë.

1 Yohana 4:4

Bhëënyu abhaana abhaane abhaghonshe, m-baana abha Waryobha mörë. Kora mwaanga amangʼana agha abharööti abha obhorongo bhayö. Mwaanyoora obhotoro ubhwa okokora igho, ko bhoora Umwika Ömöhörëëru uwa Waryobha mö-bhëënyu arë. Umwika Ömöhörëëru uyö, we aana obhotoro okokera ëkëhwë ikya Oghosambwa, kiyö kekotangata abhantö bhano bhatakwighwera Waryobha.

1 Yohana 5:18

Ntomanyirë igha, omoona uwa Waryobha taköghëndërrya okokora ëbhëbhë hë. Keno kekoghera ataköghëndërrya okokora ëbhëbhë, n-ko bhoora Yëësu Kiristo akomorenda. Ku bhuyö Oghosambwa teghokomokora ngʼana hë.

1 Yohana 5:19

Ntomanyirë igha, bhëëtö m-baana abha Waryobha törë. Kasi abhantö abhandë bhonswe igho bhano bhatakwighwera Waryobha, bhayö nkobhaahwa bharë na Oghosambwa.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.