Yohana 14:26 - Imuuma Eehya

²⁶ Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Yohana 14:26 ပူးပေါင်းရင်းမြစ်များ

Mataayo 1:18

Mbe, ghano hano na-mangʼana ghano ghakoraghërrya kya bhono Yëësu Kiristo yaaibhööywë. Maryamu nyakuwaabho Yëësu, yaarenga aghambëëywë öbhökwë na Yusufu. Kasi hano waanyöörrë ataraamoteta, akamaahekana aana enda ko obhotoro ubhwa Umwika Ömöhörëëru.

Mataayo 1:20

Maaha mbe, hano Yusufu yaaitegherranga engʼana iyö, maraika uwa Omonene Waryobha akamobhooshokera mo-kerooto, akamötëëbhya igha, “Yusufu umwebhorwa Daudi, otakoobhoha okoteta Maryamu, ko bhoora igha, enda iyaaye iyö, n-ko obhotoro ubhwa Umwika Ömöhörëëru.

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Mataayo 3:11

Ghwiki Yohana akabhatëëbhya igha, “Öni na amanshë nkobhabhatiisirya, ukwörökya igha, möhöngööyë ëbhëbhë ibhyënyu. Kasi aaho ömöntö ono akuusha nyuma iyaane, ono arebhabhatiisirya Umwika Ömöhörëëru na omorro. Ömöntö uyö, naana obhotoro konkera, kora tiningʼarëëyë okotashora siinuugha, isya ebheraatö ibhyaye hë.

Maariko 12:36

Daudi umwene hano yaatangatirwë na Umwika Ömöhörëëru, yaaghambirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora, otashere hansë abhabhisa abhaaho.”’

Maariko 13:11

Hano abhantö bhayö bharebhaghoota bhabhahire mo-sebharasa, na okobhabhotorra ikiina, motakaasha okohaha igha, n-kë moraaghambe. Bhëënyu moghambe keno mörëtëëbhibhwa hayöhayö na Waryobha. Ti-igha m-bëënyu moreghamba hë, kasi nu-Mwika Ömöhörëëru ono arëngë mö-bhëënyu, uyö we arebhatöörryanga okoghamba.

Ruuka 1:15

Ko bhoora Omonene Waryobha narimwitengʼera abhe omonene. Omoona uyö atakaasha ukunywa idivai kora hake hë, handë bheno bhekoghoota kya amarwa. Ko bhoora naretangatwanga na Umwika Ömöhörëëru akërëngë mo-nda iya nyakuwaabho.

Ruuka 1:35

Maraika akamohonshora igha, “Umwika Ömöhörëëru narikwitoomera, na obhotoro ubhwa Waryobha ono arëngë kighörö iya bhyonswe igho, mburikukundikirya kya ikiiriiri. Ku bhuyö omoona ono uryebhora, narebha ömöhörëëru. Narebherekerwanga igha Omoona uwa Waryobha.

Ruuka 1:41

Ni-igho Ërizaabhëti yaaighuurë ënkëërya iya Maryamu, omoona akahooya mo-nda iyaaye. Ërizaabhëti akatangatwa na Umwika Ömöhörëëru.

Ruuka 1:67

Zakaria, suwaabho omoona uyö, akatangatwa na Umwika Ömöhörëëru, akaghamba amangʼana agha öbhörööti igha,

Ruuka 11:13

Nokaanyoora igha bhëënyu abhantö m-baghogho mörë, kasi momanyirë okohaana abhaana abhëënyu ëbhëntö ibhiiya. Mbe, Taata uwa mu-ryobha, nu-uwa heene, nahanshirë bhököngʼu okohaana abhantö bhano bhakomosabha, Umwika Ömöhörëëru.”

Ruuka 2:25

Yaare-ho ömöntö nyabhorebhe Yërusarëëmu hayö, ono yaabherekerwanga igha Simeoni. Ömöntö uyö, yaaingʼarëëyë ku-Waryobha kora m-möntö uwa heene yaarë. Yaaighombanga amaahe ököröörisibhwa ukwa Abhaisiraëri. Umwika Ömöhörëëru hamwë yaarë nawe.

Ruuka 24:49

“Taata yaamara okobharaghania, na bhoono nendaabhareetere ekeraghanio ikyaye. Kasi mwikare Yërusarëëmu mono, okohekera hano murinyoora obhotoro ubhwa Umwika Ömöhörëëru ukurwa mu-ryobha ono Taata yaaraghaini.”

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Yohana 1:33

Öni tenaamomanyirë hë, kasi Waryobha ono yaantömirë okobhatiisya, we yaantëëbhëri igha, ‘Ömöntö ono oraamaahe Umwika uwaane aramwitoomera na ukumwikarra, omanye igha, uyö we akobhatiisya abhantö ku-Mwika Ömöhörëëru.’ ”

Yohana 12:16

Enkaagha iyö, abheegha abha Yëësu tebhaamanyërrëëyi ghayö hë. Kasi hano Yëësu yaaryökirë, ho bhaahiitirë igha, ghayö ngaandëkirwë, na ni-igho bhaamökörëëyë.

Yohana 14:16

Mbe, na öni nendaasabhe Taata, abhahaane Ömötöörrya uwöndë, ono araabhe hamwë na bhëënyu nkaagha syonswe igho.

Yohana 14:25

“Amangʼana ghayö ngo nkobhatëëbhya enkaagha eno nkërëngë hamwë na bhëënyu.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Yohana 2:22

Mbe, hano Yëësu yaaryökirë ukurwa mo-bhaku, abheegha abhaaye bhakahiita igha ni-igho Yëësu yaaghambirë. Engʼana iyö, ekaghera bhakakumya Amaandeko Amahörëëru, na amangʼana ghano Yëësu yaaghambirë.

Yohana 20:22

Mbe, hano yaamarrë okoghamba ghayö, akabhahuuha, akabhatëëbhya igha, “Mogheghe Umwika Ömöhörëëru.

Yohana 6:45

Amaandeko Amahörëëru agha abharööti gharaghamba igha, ‘Abhantö bhonswe igho, mbaryëghibhwa na Waryobha.’ Mbe ömöntö wowonswe igho ono akwitegherra na ukwegha ukurwa ko-Taata, nkuusha arë ku-öni.

Yohana 7:39

Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

Amangʼana agha Abhatomwa 1:2

okohekera urusikö rono yaaghëghirwë ukughya mu-ryobha. Hano waanyöörrë ataraagheghwa, yaaraghërrëëyi abhatomwa abhaaye bhano yaashaaghööyë, okohetera Umwika Ömöhörëëru kya bhono bharaakore emeremo gheno yaabhatëghëëyë.

Amangʼana agha Abhatomwa 1:4

Urusikö urwöndë Yëësu yaaryanga na abhatomwa abhaaye, akabhatëëbhya igha, “Motakaarwa Yërusarëëmu hano. Kasi moghanyere-ho okohekera hano morehaanwa Umwika Ömöhörëëru ono Taata yaaraghaini, kya bhoora naabhatëëbhëri.

Amangʼana agha Abhatomwa 1:8

Kasi murinyoora singuru hano Umwika Ömöhörëëru ariisha kö-bhëënyu. Ho morebha abhaimërërri abha amangʼana aghaane Yërusarëëmu, Yudea yonswe igho, Samaaria na kora ko-kebhara kyonswe igho.”

Amangʼana agha Abhatomwa 11:16

Hayö ho naahiitökirë engʼana iya Omonene eno yaaghambirë igha, ‘Yohana, na-manshë yaabhatiisiiyi abhantö. Kasi bhëënyu, m-böngö hano moraabhatiisiribhwi Umwika Ömöhörëëru.’

Amangʼana agha Abhatomwa 13:2

Enkaagha eno bhaaisasanga ibhyakorya bharasaasaama Omonene Waryobha, Umwika Ömöhörëëru akaghamba igha, “Munyahorre Bharinaabha bhaana Sauri, bhankorre emeremo gheno naabhabherekerra.”

Amangʼana agha Abhatomwa 13:4

Ho Bharinaabha na Sauri bhaatömirwë na Umwika Ömöhörëëru, bhakangʼaaraara ukughya mu-mughi ghono ghwaabherekerwanga igha, Serukia. Bhakatanora ukurwa hayö, bhakariina mu-ryato, bhakaghya kwi-ghinga irya Kiipuro.

Amangʼana agha Abhatomwa 15:28

Umwika Ömöhörëëru na bhëëtö törööshë igha, totakabhaitëëkya imirigho imirito, kokera amangʼana ghano tobhandëkëëyë mono.

Amangʼana agha Abhatomwa 15:8

Waryobha we amanyirë ghonswe igho ghano gharëngë mo-senkoro isya abhantö. We yöörökëri igha, aikërëëyi kora Abhakyaro bhonswe ko okobhahaana Umwika Ömöhörëëru kya bhono yaatohaayë.

Amangʼana agha Abhatomwa 16:6

Mbe, Pauro, Siira na Timoteo, bhakakora oroghendo, bhakahetera ahasë hano Furighia yaaheegheraini na Gharatia. Bhakaheteerania, bhataghambirë-mo engʼana. Ko bhoora Umwika Ömöhörëëru, yaabhakaanëri bhatakaraareka engʼana iya Waryobha mu-kyaro ikya Asia Enke.

Amangʼana agha Abhatomwa 2:33

Waryobha amuriiniri, amökörrë omonene, kora amötöörrë bhoryo ubhwaye. Na Taata Waryobha, akörrë kya bhoora yaaraghaini igha, akaahaayë Yëësu Umwika Ömöhörëëru ko okoghera iya bhëëtö. Ku bhuyö Yëësu atöhömërrëëyë Umwika Ömöhörëëru. Kiyö bhoono nkyo bhëënyu mukwighwa, na ukwimaahera bhëënyu abheene.

Amangʼana agha Abhatomwa 2:4

Abhantö bhayö bhonswe igho, bhakaishöribhwa Umwika Ömöhörëëru, bhakasimya okoghamba ebheghambo ebhehya, kya bhono Umwika Ömöhörëëru yaabhahaayë obhotoro bhuyö.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Amangʼana agha Abhatomwa 20:35

Ko-ghayö ghonswe igho, naabhörökëri igha, okobha na omotono ko-meremo, ne-nshera inshiiya iya ökötöörrya bhano bhaana obhohabhë. Muhiite bhono Omonene Yëësu yaaghambirë igha, ‘Nyakara okohaana, ko bhoora te-konga okohaanwa hë.’ ”

Amangʼana agha Abhatomwa 28:25

Ko bhoono bhataighwerraini abheene ko abheene, bhakamaaha igha bheemoke bhanyaraghane. Hano Pauro yaarööshë igho, akabhatëëbhya engʼana ëmwë igha, “M-maheene ghano Umwika Ömöhörëëru yaatëëbhëri abhakörö abhëënyu ko okohetera kö-mörööti Isaaya igha,

Amangʼana agha Abhatomwa 5:3

Peetero akamötëëbhya igha, “Uwe Anania! N-kwakë Oghosambwa ghoroghaini enkoro iyaaho, kora ghöghërrë ötëëbhëri Umwika Ömöhörëëru obhorongo? Seehera isyëndë otabhööyë-ko, ubhisirë ka.

Amangʼana agha Abhatomwa 7:51

Sitefaano akaghëndërrya okobhatëëbhya igha, “Bhëënyu n-sentama ukwighwa mörë! Mo-senkoro isyënyu, m-bapaghaani mörë. Kora amatwë aghëënyu, m-make ko engʼana iya obhoheene. Morashaashya okorebherra Umwika Ömöhörëëru sinsikö syonswe igho, kya bhoora abhakörö abhëënyu bhonswe bhaamorebherranga.

Amangʼana agha Abhatomwa 7:55

Kasi Sitefaano, akagharamera mu-ryobha, na eno aishööyë Umwika Ömöhörëëru, akamaaha ubhuhika ubhwa Waryobha, na Yëësu aimërëëyë-ho bhoryo ubhwa Waryobha.

Abharuumi 14:17

Ko bhoora Obhokama ubhwa Waryobha, tokorya handë ukunywa hë, kasi no-kokora amangʼana agha heene, okobha na omorembe, na ukushomerwa, ghayö nku-Mwika Ömöhörëëru ghakurwa.

Abharuumi 15:13

Waryobha we tukwitengʼera igha, naraatokorre ghonswe igho ghano yaaraghaini. Ku bhuyö nkobhasabhera ndë igha, abhahaane omorembe, okore mushomerwe bhököngʼu enkaagha eno mököghëndërrya ukumukumya. Hayö ho moraamweseghe bhököngʼu, ko bhoora moraatööribhwi na obhotoro ubhwa Umwika Ömöhörëëru.

Abharuumi 15:16

okore mbe ömököri uwa emeremo uwa Kiristo Yëësu ko-Bhakyaro. Ensonga iyaamo ni-igha, naakorwa ömösëngëri uwa okoraareka Amangʼana Amaiya agha Waryobha, okore Abhakyaro bhabhe kya ibhimwenso bheno bhëkötëghërya Waryobha, bheno bhyaarabhwa na Umwika Ömöhörëëru.

Abharuumi 5:5

Ubhweseghe bhuyö, tëbhötösöökërri hë, ko bhoora Waryobha yaatohaana righonshe rinene mo-senkoro isyëtö, okohetera Umwika Ömöhörëëru uwaaye.

1 Abhakörintö 12:3

Ku bhuyö nkutuna ndë bhëënyu momanye igha, taaho ömöntö ono akotangatwa na Umwika uwa Waryobha, amare aghambe igha, “Yëësu aihiimwe.” Ghwiki ömöntö ono atakotangatwa na Umwika Ömöhörëëru uwa Waryobha, takotora okoghamba igha, “Yëësu we Omonene.”

1 Abhakörintö 6:19

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë,

2 Abhakörintö 6:6

Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

Abhaëfësö 1:13

Hano na bhëënyu bhonswe mwaaighuurë engʼana iya obhoheene iya Amangʼana Amaiya agha bhono Waryobha akobhahönia, mokaikërrya. Waryobha akabhatoorra-ko umuhuri ughwaye. Eharama iyö, nu-Mwika Ömöhörëëru ono Waryobha yaabhahaana kya bhoora yaaraghaini igha, nakaabhahaayë. Yaakörrë igho, ukwörökya igha, bhëënyu bhonswe m-bantö abhaaye mörë.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

1 Abhatësarönikë 4:8

Ömöntö wowonswe ono akwanga amëëghyö ghano, tigha nu-mwëghya uyö akwanga, kasi nkwanga arë Waryobha ono yaabhahaana Umwika Ömöhörëëru.

2 Timoteo 1:14

Amangʼana amaiya ghano waatëëbhibhwa, ogharende ku singuru isya Umwika Ömöhörëëru ono arëngë mö-bhëëtö.

Tiito 3:5

Ti-igha öbhöntö ubhwa heene ubhwëtö, mbo bhwaaghërrë akatokorra ghayö, kasi n-ko okoghera iya ikyabhera ikyaye, nkyo kyaaghërrë akatokorra igho. Atosaabhuurrë obhoghogho ubhwëtö, kuyö nko ukwebhorwa bhohya. Ghwiki atohaayë öbhöhöru bhohya okohetera ku-Mwika Ömöhörëëru.

Abhaëbhuraania 10:15

Umwika Ömöhörëëru wonswe nkwimererra arë amangʼana ghayö ko okoghamba igha,

Abhaëbhuraania 2:4

Waryobha wonswe akaimererra amangʼana ghayö ko okokora ebhemanyërryö na amakono amaaru, kora akahaana abhantö ituho iya Umwika Ömöhörëëru kya bhono umwene yaahanshirë.

Abhaëbhuraania 3:7

Mbe, ku bhuyö ni-igha twitegherre ghano Umwika Ömöhörëëru akoghamba, araghamba igha, “Hano moraaighwe arabherekera reero,

Abhaëbhuraania 9:8

Umwika Ömöhörëëru nkutwörökya arë ko amangʼana ghayö ghonswe igho igha, umweya ughwa abhantö abhandë okosoha Ahasë Ahahörëëru aha Ahahörëëru, tuwaanyöörrë ghoraabha-ho hë, ko bhoora righutu irya mbere waanyöörrë rekeeho.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

2 Peetero 1:21

Nkoghamba ndë igho, ko bhoora teeho engʼana iya öbhörööti eno yaareetwa na amaitegherro agha ömöntö wowonswe oora. Kasi abharööti bhayö, mbaaghambirë amangʼana ghano ghaaruurë ku-Waryobha ko okotangatwa na Umwika Ömöhörëëru.

1 Yohana 2:20

Kasi bhëënyu, Yëësu Ömöhörëëru yaabhahaana Umwika uwaaye, bhoono bhëënyu bhonswe igho, mmomanyirë obhoheene.

1 Yohana 2:27

Kasi bhëënyu, Yëësu Kiristo yaabhahaana Umwika Ömöhörëëru, ono akwikara mö-bhëënyu. Uyö we aköbhöörökërrya ghonswe igho, na amëëghyö aghaaye na-agha obhoheene, te-agha obhorongo hë. Ku bhuyö, taaho ömöntö uwöndë uwa ököbhöörökërrya, kya bhono Umwika aköbhëëghya, möghëndërri okobha na öbhömwë na Yëësu Kiristo.

1 Yohana 5:7

Umwika Ömöhörëëru we akwimererra ghayö igha m-maheene, ko bhoora we obhoheene.

Yuuda 1:20

Kasi bhëënyu bhare bhaghonshe abhaane, mwiraarerre ku righonshe irya Waryobha. Monaghe ku-mukumo ughwënyu ömöhörëëru bhököngʼu, mosabhenga ko obhotoro ubhwa Umwika Ömöhörëëru, na eno moraitengʼera na ukushomerwa ko okoghera iya ikyabhera ikya Omonene uwëëtö Yëësu Kiristo, ono araabhareetere öbhöhöru ubhwa amakora ghonswe igho.

Okohonyora 2:11

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, tarikunibhwa na omorro ughwa amakora ghonswe igho kora hake hë. Omorro ghuyö, ngwo uruku urwa kabhërë.”