Yohana 14:24 - Imuuma Eehya

²⁴ Ömöntö ono atanhanshirë, uyö taghoote amangʼana aghaane hë. Amangʼana aghaane ghano nkoraghërrya ta-ghaane hë, kasi na-agha Taata ono yaantoma kö-bhëënyu.

Yohana 14:24 ပူးပေါင်းရင်းမြစ်များ

Mataayo 19:21

Yëësu akamötëëbhya igha, “Nyoore nkutuna örë obhe ömöntö uwa heene, kaghi öghöri ëbhëntö bhyonswe igho bheno onabhyo, seehera seno oraanyoore-mo, ohaane abhatöbhu. Hayö ho oraabhe na emongo iyaaho mu-ryobha. Bhoono hayö omanye kuusha konsoorana.”

Yohana 14:10

Kasi tukukumya igha öni m-mönsë iya Taata ndëngë hë? Amangʼana ghayö nkobhatëëbhya, teghakurwa mo-maitegherro aghaane hë, kasi nko-Taata ghakurwa ono arëngë mönsë iyaane, uyö we akokora emeremo ighyaye gheno.

Yohana 14:15

“Hano moraanhanshe, moraaghoote imighiro ighyane.

Yohana 14:25

“Amangʼana ghayö ngo nkobhatëëbhya enkaagha eno nkërëngë hamwë na bhëënyu.

Yohana 3:11

No-bhoheene nkökötëëbhya igha, bhëëtö nkoghamba törë ghano tomanyirë, ghwiki nkwimererra törë ghano törööshë. Kasi bhëënyu timukukumya ubhwimërërri ubhwëtö hë.

Yohana 3:34

Ko bhoora Waryobha yaamötömirë, okore aghambe amangʼana agha Waryobha. Waryobha amohaayë Umwika Ömöhörëëru ono ataana ekerengere.

Yohana 5:19

Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.

Yohana 5:38

Kora engʼana iyaaye, temoonayo mo-senkoro isyënyu hë. Ghayö ngo ghakoghera motakunkumya, öni ono naatomwa na Waryobha kö-bhëënyu.

Yohana 7:16

Mbe, Yëësu akabhahonshora igha, “Amëëghyö ghano nkwëghya, tegharëngë aghaane hë, kasi na-mëëghyö agha ono yaantoma.

Yohana 7:28

Hano Yëësu yëëghyanga kö-bhööri ubhwa risengerro, akakonga araghamba harabhurabhu igho igha, “No-bhoheene igha mommanyirë, na iyö nkurwa mohamanyirë. Momanye igha, tenaasha hano ku ubhwera ubhwane umwene hë, kasi ono yaantoma, nu-uwa obhoheene, kora bhëënyu temomomanyirë hë.

Yohana 8:26

Neena amangʼana amaaru ghano nkaaghambirë, na agha okobhabhotorra ibhiina bhëënyu, kasi tenkore igho hë. Ko bhoora öni nkötëëbhya ndë abhantö bhonswe igho amangʼana ghano nighuurë ukurwa ko-ono yaantoma. Uyö yaantoma, nu-uwa obhoheene.”

Yohana 8:28

Mbe Yëësu akakangʼasërrya igha, “Hano muririinia Omoona uwa Ömöntö okore mumwite, hayö bhoono ho moremanya igha ‘Öni nö-öni Omoona uwa ömöntö.’ Ghwiki ho moremanya igha ghonswe igho ghano nkokora, tenkokora kya bhono öni umwene nkutuna hë, kasi nkoghamba ndë ghano Taata yaanyëghya.

Yohana 8:38

Öni nkobhatëëbhya ndë ghano naamaaha ko-Taata, kasi bhëënyu nkokora mörë ghano suwëënyu aköbhëëghya.”

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.