Yohana 14:21 - Imuuma Eehya

²¹ Ömöntö ono amanyirë na okoghoota imighiro ighyane, uyö we anhanshirë. Ömöntö ono anhanshirë, Taata naraamohanshe. Na öni nendaamohanshe na ukwihonyora ko-we.”

Yohana 14:21 ပူးပေါင်းရင်းမြစ်များ

Ruuka 11:28

Kasi Yëësu akamohonshora igha, “Ti-igho hë, kasi nyakara ömöntö ono akwighwa, na okoghoota engʼana iya Waryobha.”

Yohana 14:15

“Hano moraanhanshe, moraaghoote imighiro ighyane.

Yohana 14:18

“Tembatighe bhëënyu abheene igho kya sentakaana hë, kasi nendaashe ghwiki kö-bhëënyu.

Yohana 15:14

Nyoore mokora ghano nkobharaghërrya, momanye igha bhoono hayö, mobhaayë bhasaani abhaane.

Yohana 16:14

Umwika uyö, narëbhööryökya ubhuhika ubhwane, ko bhoora arebhatëëbhya ghano arinyooranga ukurwa ku-öni.

Yohana 16:27

Taata we nabhahanshirë, ko bhoora monhanshirë, kora nkukumya mörë igha nko-Taata Waryobha naarwa.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Amangʼana agha Abhatomwa 22:18

Nkamaaha Omonene Yëësu mo-kerooto muyö, arantëëbhya igha, ‘Wangohe ukurwa Yërusarëëmu hano, ko bhoora abhantö abha mu-mughi ghono, tebhaikërri ubhwimërërri ubhwaho ko amangʼana aghaane.’

2 Abhakörintö 12:8

Naasabhirë Omonene hare katatö, okore anduusiri-ho inyanko iyö.

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

2 Timoteo 4:22

Omonene Yëësu abhe hamwë na uwe. Örööbhö urwaye, robhe hamwë na bhëënyu bhonswe igho.

1 Yohana 2:5

Kasi ömöntö ono akosooka engʼana iya Waryobha, uyö we aishööyë righonshe irya Waryobha. Ni-igho tokomanya igha ntoona öbhömwë na Waryobha.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 5:3

Ko bhoora hano ömöntö yahansha Waryobha, nkoghoota arë imighiro ighyaye. Kora imighiro ighyaye të-mëköngʼu ighya okoghoota hë.

2 Yohana 1:6

Okohanshana, nko okosooka imighiro ighya Waryobha. Mwaatëëbhibhwanga umughiro ughwa okohanshana nkaagha syonswe igho, kerenga haara mwaasimiiyi ukukumya Yëësu Kiristo.

Okohonyora 2:17

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, ndimutuha ituho ekerengere ikya ibhyakorya ibhya emana eno yaabhiswa. Ghwiki nendemohaana reghena rirabhu. Reghena riyö, nurinyoora ryandëkirwë-ko iriina reehya. Taaho ömöntö ono aremanya iriina riyö hë. Kasi ono arehaanwa reghena riyö, we aremanya.”

Okohonyora 22:14

Mbe, nyakara abhantö bhano bhakufura singibho isyabho, okore bhaikërërribhwi bhasohe mu-mughi omohya ghuyö, okohetera mu-bhihiita ibhyagho, na bharaagherenga sehagho isya ömötë ughwa öbhöhöru.

Okohonyora 3:20

Motamaaha! Mo-kesaku ndë nimërëëyë ndabherekera. Ömöntö ono araaighwe engamba iyaane na anyeghorre-ho ekesaku, nendaasohe mu-nyumba iyaaye, nsange nawe ibhyakorya.