Yohana 14:19 - Imuuma Eehya

¹⁹ Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 14:19 ပူးပေါင်းရင်းမြစ်များ

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 12:35

Yëësu akabhatëëbhya igha, “Obhorabhu mbökërëngë hamwë na bhëënyu ku-ribhagha ike igho. Möghëndërri okoghenda mo-merengaari ighya obhorabhu bhuyö, okore ikisuntë ketakaasha okobhakera, ko bhoora ömöntö ono akoghenda mu-kisuntë, tamanyirë ahasë akughya hë.

Yohana 13:33

“Bhëënyu abhaana abhaane, nendaabhe na bhëënyu ko-nkaagha enke igho. Murintuna, kasi kya bhono naatëëbhëri abhatangati abha Abhayahudi, ni-ighoigho nkobhatëëbhya na bhëënyu bhonswe igha, eno nkughya, temotore ukuhika-yo hë.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 16:16

“Ritighaayë ribhagha ike igho, temommaahe hë, ghwiki ribhagha riike riyö hano reraahete, mommaaha.”

Yohana 16:22

Ni-ighoigho kora na bhëënyu bhonswe mobhaabhayëëyë, kasi nendaashe mmaahane ghwiki na bhëënyu, mushomerwe mo-senkoro isyënyu. Taaho ömöntö araabharuusiri-ho ukushomerwa ukwënyu kuyö.

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Yohana 8:21

Mbe, ghwiki Yëësu akatëëbhya Abhafarisaayo bhayö igha, “Öni nkughya ndë, murintuna, kasi timuriinnyoora hë. Bhëënyu moraakwe ko okoghera iya ëbhëbhë bhyënyu. Ahasë hano nkughya, bhëënyu temotore ukuhika-yo hë.”

Amangʼana agha Abhatomwa 10:41

Kasi tiyaamaahekaini ko-bhantö bhonswe igho hë, nko-bhaimërërri bhano Waryobha yaahööyë ukurwa kare. Abhaimërërri bhayö, m-bëëtö. Hano yaaryökirë ukurwa mo-bhaku, ntwaasangirë hamwë ibhyakorya na ukunywa nawe.

Abharuumi 5:10

Kuyö n-ko okoghamba igha, ko bhoora Waryobha yaatwighwerrania nawe, ko okohetera uruku urwa Omoona uwaaye, hano waanyöörrë tokeena ëbhëbhë, bhoono twabha abhasaani abhaaye. Ko bhoora m-maheene igha, yaatwighwerrania okohetera uruku urwa Yëësu Kiristo, ku bhuyö ntoraatööribhwi ukurwa mu-bhushibhu ubhwa okorerra ukwa Waryobha, okohetera öbhöhöru ubhwa Yëësu Kiristo.

Abharuumi 8:34

Kora taaho ömöntö uwa ukutushibhya hë. Kiristo Yëësu we yaakwa, akamara akaryoka. M-boryo ubhwa Waryobha arë, aratosabhera. Ku bhuyö taritushibhya hë.

1 Abhakörintö 15:20

Kasi bhoono obhoheene ni-igha, Kiristo yaaryoka ukurwa mo-bhaku, omotangi uwa bhano bhaakwa.

1 Abhakörintö 15:45

Amaandeko Amahörëëru gharaghamba igha, “Adamu ömöntö uwa mbere, yaabhömbirwë akabha na öbhöhöru,” kasi Adamu uwa umuhiko we nu-Mwika, ono akohaana abhantö öbhöhöru.

Abhaëbhuraania 7:25

Mbe, uyö we aköhönia abhantö makora ghonswe igho, bhano bhakohetera ko-we ukughya ku-Waryobha, ko bhoora ho arë sinsikö syonswe igho, okore abhasabherenga.

Okohonyora 20:4

Mbe, nkamaaha ibhitumbë ibhya ekekama bhikarëëywë na bhayö bhaarenga bhahaaywë ubhwera ubhwa okobhotorra abhantö ibhiina ibhyabho. Bhayö, n-senkoro isya abhantö bhano bhaabhotorwa ëbhëghöti, ku kwimererra amangʼana agha Yëësu, na okoraareka engʼana iya Waryobha. Tebhasëngërrëëyë ughutyënyi ghuyö, handë ritöndö iryagho hë. Tebhaikërëëyi okotoorrwa ekemanyërryö ikya ughutyënyi ghuyö ku-bhusyö handë ko-mabhoko aghaabho hë. Abhantö bhayö, mbaaryökirë bhakatonga hamwë na Kiristo imyoka ëkëkwë ëkëmwë.