Yohana 14:17 - Imuuma Eehya

¹⁷ Uyö we Umwika uwa obhoheene. Abhantö bhano bhatakwighwera Waryobha, tebhatore ukumwikërrya hë, ko bhoora tebhakomomaaha hë, kora tebhamomanyirë hë. Kasi bhëënyu momomanyirë ko bhoora hamwë arë na bhëënyu, kora mö-bhëënyu araabhe.

Yohana 14:17 ပူးပေါင်းရင်းမြစ်များ

Mataayo 10:20

Ko bhoora ti-igha m-bëënyu moreghamba hë, kasi nu-Mwika uwa Taata uwëëtö we areghera moghambe keno akutuna moghambe.

Yohana 14:16

Mbe, na öni nendaasabhe Taata, abhahaane Ömötöörrya uwöndë, ono araabhe hamwë na bhëënyu nkaagha syonswe igho.

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Yohana 16:13

Kasi Umwika uwa heene oora hano ariisha, narebhahonyorra amangʼana agha obhoheene bhonswe igho. Narekora igho ko bhoora tareghambanga ko bhono umwene akutuna hë, kasi nareghambanga ghano urinyoranga araighwa, narebhatëëbhya kora na amangʼana ghano gharebha mbere iyö.

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

1 Abhakörintö 14:15

Bhoono iyakë nkaakora? Nendaasaasaame Waryobha mo-nkoro iyaane ko ekeghambo ekehya, mmare ghwiki nsaasaame ko sehakëri isyane. Nendaarëëti mo-nkoro iyaane ko ekeghambo ekehya, mmare ghwiki ndëëti ko sehakëri isyane.

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

1 Abhakörintö 3:16

Kasi motamanyirë igha bhëënyu ni-nyumba iya Waryobha mörë, kora Umwika uwa Waryobha mö-bhëënyu amënyirë?

1 Abhakörintö 6:19

Kasi, temomanyirë igha, ëmëbhërë ighyënyu ngyo inyumba iya Waryobha, mono amënyirë Umwika Ömöhörëëru ono mwaahaanwa na Waryobha? Tëghërëngë ighyënyu hë,

2 Abhakörintö 13:5

Mwiyitaahe bhëënyu abheene, mwimmaahe nyoore m-maheene mmoona umukumo. Kasi temomanyirë igha, Yëësu Kiristo mö-bhëënyu muyö arë? Hano oraanyoore igha ti-igho ërë hë, hayö momanye igha, ubhwitaahi ubhwënyu, tëbhöhëkërëëyë ekerengere keno kikutunwa hë.

2 Abhakörintö 6:16

M-borengerrania kë bhooho, inyumba iya Waryobha na ëbhëtöndö? Bhëëtö mbo inyumba iya Waryobha ömöhöru! N-kya bhoora Waryobha yaaghambirë igha, “Nendaabhenga ghatë iyaabho, ndaghenda hamwë nabho. Nendaabhe Waryobha uwaabho, na abheene bhonswe mbaraabhe abhantö abhaane.”

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Abhaëfësö 2:22

Ko bhoora mwabha na öbhömwë na Yëësu Kiristo, nkokomwa mörë hamwë na Abhakiristo abhandë, okore mobhe inyumba eno Waryobha araamenye-mo ko okohetera Umwika Ömöhörëëru uwaaye.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

2 Timoteo 1:14

Amangʼana amaiya ghano waatëëbhibhwa, ogharende ku singuru isya Umwika Ömöhörëëru ono arëngë mö-bhëëtö.

1 Yohana 2:27

Kasi bhëënyu, Yëësu Kiristo yaabhahaana Umwika Ömöhörëëru, ono akwikara mö-bhëënyu. Uyö we aköbhöörökërrya ghonswe igho, na amëëghyö aghaaye na-agha obhoheene, te-agha obhorongo hë. Ku bhuyö, taaho ömöntö uwöndë uwa ököbhöörökërrya, kya bhono Umwika aköbhëëghya, möghëndërri okobha na öbhömwë na Yëësu Kiristo.

1 Yohana 3:24

Ömöntö wowonswe igho ono akwighwera imighiro ighya Waryobha, uyö naana öbhömwë nawe. Waryobha wonswe naana öbhömwë na ömöntö kya uyö. Ntomanyirë igha, Waryobha naana öbhömwë na bhëëtö, ko okohetera Umwika Ömöhörëëru ono yaatohaana.

1 Yohana 4:4

Bhëënyu abhaana abhaane abhaghonshe, m-baana abha Waryobha mörë. Kora mwaanga amangʼana agha abharööti abha obhorongo bhayö. Mwaanyoora obhotoro ubhwa okokora igho, ko bhoora Umwika Ömöhörëëru uwa Waryobha mö-bhëënyu arë. Umwika Ömöhörëëru uyö, we aana obhotoro okokera ëkëhwë ikya Oghosambwa, kiyö kekotangata abhantö bhano bhatakwighwera Waryobha.

1 Yohana 4:6

Bhëëtö m-baana abha Waryobha törë. Ömöntö wowonswe ono amanyirë Waryobha, nkutwitegherra arë. Kasi ono atarë omoona uwa Waryobha, takutwitegherra hë. Ku bhuyö ni-igho tokotora okomanya na ukwahora abhantö bhano bhakotangatwa na Umwika Ömöhörëëru uwa obhoheene, na bhano bhakotangatwa na ëkëhwë ikya obhorongo.

1 Yohana 5:7

Umwika Ömöhörëëru we akwimererra ghayö igha m-maheene, ko bhoora we obhoheene.

Okohonyora 2:17

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, ndimutuha ituho ekerengere ikya ibhyakorya ibhya emana eno yaabhiswa. Ghwiki nendemohaana reghena rirabhu. Reghena riyö, nurinyoora ryandëkirwë-ko iriina reehya. Taaho ömöntö ono aremanya iriina riyö hë. Kasi ono arehaanwa reghena riyö, we aremanya.”