Yohana 14:12 - Imuuma Eehya

¹² No-bhoheene nkobhatëëbhya igha, ömöntö ono akunkumya, naraakore emeremo gheno öni nkokora. Kora ghwiki naraakore emeremo okokera ghiyö nkokora, ko bhoora nko-Taata nkughya.

Yohana 14:12 ပူးပေါင်းရင်းမြစ်များ

Mataayo 21:21

Yëësu akabhahonshora igha, “No-bhoheene nkobhatëëbhya igha, hano moraabhe na umukumo ghono ghotaana entarëki, te-ghayö agheene igho moraakore hë. Kasi moratora ökötëëbhya inguku eno igha, ‘Iheka wirekere mu-nyansha,’ na ni-igho eraabhe.

Maariko 11:13

Akërëngë hare, akamaaha ömötë ughwa umutiini ghunyërëghëtirë. Akaghuhika haangʼë, okore amaahe-ko hanga sitiini seeko. Hano yaahikirë, akanyoora sitiini teseeko hë, na-matö agheene ghaishööyë-ko, ko bhoora enkaagha iya ukwama tewanyöörrë eraabha hë.

Maariko 16:17

Abhantö bhano bharaakumi, mbaaraakorenga ebhemanyërryö ibhya ukwata amasambwa ko-bhantö, ku iriina iryane, mbaraaghambenga ebheghambo ebhehya,

Yohana 14:28

Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Yohana 4:37

Ku bhuyö ëkërëngyö keno n-kya heene igha, ‘Uwöndë nkwëmya arë, na uwöndë aghesa.’

Yohana 5:20

Ko bhoora Taata nahanshirë Omoona uwaaye, nkyo kekoghera aramwörökya kera ëkëntö keno akokora, kora naraamwöröki amangʼana amarito okokera ghano, okore moroghoore bhököngʼu.

Yohana 7:33

Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Yohana 7:39

Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

Amangʼana agha Abhatomwa 10:46

Keno kyaaghërrë abhakumya abha Yëësu bhakamanya, m-boora bhaaighuurë abhantö bhayö bharatöönia Waryobha, ko okoghamba ebheghambo ebhehya. Mbe, Peetero akaghamba igha,

Amangʼana agha Abhatomwa 16:18

Akataniatania igho sinsikö sinsharu. Engʼana iyö, ekaghera Pauro akarerra bhököngʼu. Akaisyörrya mwisëkë uyö. Akahamera risambwa riyö ryaamunyankyanga. Akarëtëëbhya igha, “Okohetera iriina irya Yëësu Kiristo, urwe ku-mwisëkë ono!” Hayö na hayö igho, risambwa riyö rekamohaatera.

Amangʼana agha Abhatomwa 19:12

Kora ebhetambaara na singibho isya Pauro hano bhyaahirwanga ko bharööyë, mbaahwenanga. Na bhano bhaarë na amasambwa, ngaabhahaateranga.

Amangʼana agha Abhatomwa 2:33

Waryobha amuriiniri, amökörrë omonene, kora amötöörrë bhoryo ubhwaye. Na Taata Waryobha, akörrë kya bhoora yaaraghaini igha, akaahaayë Yëësu Umwika Ömöhörëëru ko okoghera iya bhëëtö. Ku bhuyö Yëësu atöhömërrëëyë Umwika Ömöhörëëru. Kiyö bhoono nkyo bhëënyu mukwighwa, na ukwimaahera bhëënyu abheene.

Amangʼana agha Abhatomwa 2:41

Mbe, abhantö kya ëbhëkwë bhitatö, bhakakumya amangʼana agha Peetero, bhakabhatiisibhwa. Abheegha abha Yëësu bhakaaruha bhököngʼu urusikö ruyö.

Amangʼana agha Abhatomwa 4:16

Bhakabhoorania igha, “Iyakë tokaakora abhantö bhano? Abhamënyi bhonswe igho abha Yërusarëëmu hano, mbamanyirë igha, bhakörrë ekemanyërryö ekenene ikya rikono, keno totaatore ukukikaana.

Amangʼana agha Abhatomwa 4:33

Abhatomwa abha Yëësu, mbaaimererranga amangʼana agha Omonene Yëësu ko-bhantö bhököngʼu, igha Omonene Yëësu yaaryökirë. Waryobha yaabhahaananga bhonswe igho örööbhö urwaye oronene,

Amangʼana agha Abhatomwa 4:4

Kasi amangʼana ghano Peetero na Yohana bhaatëëbhëri abhantö abha rikomo riyö, abhaaru mbaakumiri. Abhakumya bhonswe igho, bhakahika ekerengere ikya ëbhëkwë bhitaano, abhashaasha abheene igho bhano bhaakumiri Yëësu.

Amangʼana agha Abhatomwa 5:15

Ko okoghera ukwa amakono agha abhatomwa abha Yëësu, abhantö mbaahiranga abharööyë kebhara haangʼë na enshera. Bhaabharaaryanga ko-mashambi, okore hano Peetero araashe ahete, bhano ikiiriiri ikyaye keraakuni, bhahwene.

Amangʼana agha Abhatomwa 6:7

Engʼana iya Waryobha, ekaghëndërrya okoromaana mo-bhantö. Ekerengere ikya abheegha abha Yëësu, kekaaruha bhököngʼu Yërusarëëmu hayö. Kora abhasëngëri abhaaru bhakaighwera Waryobha, na ukwikërrya Omonene Yëësu.

Amangʼana agha Abhatomwa 8:7

Yaatanga amasambwa ukurwa ko-bhantö abhaaru. Hano amasambwa ghaarwanga ko-bhantö bhayö, ngaakoranga ikituri. Yaahwënianga abhantö abhaaru, amatengʼo na abha amasusu.

Amangʼana agha Abhatomwa 9:34

Peetero akamötëëbhya igha, “Ainea, Yëësu Kiristo akuhwëni! Bhooka waari rishambi iryaho.” Ainea akaimerra kamwë igho.

Amangʼana agha Abhatomwa 9:40

Peetero akabharishökya kebhara bhonswe igho. Akatema hansë ibhiru, akasaasaama Waryobha. Akaisyörrya ikihundughu kiyö, akakëtëëbhya igha, “Tabhita, bhooka!” Hano Tabhita yaaramökëri amaiso akamaaha Peetero, akaikara.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.