Yohana 14:1 - Imuuma Eehya

¹ Yëësu akaghëndërrya ukwëghya abheegha abhaaye igha, “Motakaabhaabhayera mo-senkoro isyënyu, mukumi Waryobha, kora na öni wonswe munkumi.

Yohana 14:1 ပူးပေါင်းရင်းမြစ်များ

Yohana 11:33

Hano Yëësu yaarööshë Maryamu arakuura, na Abhayahudi bhano bhahinaini nawe bhonswe bharakuura, akabhaabhayera, kora akaighwa bhoghogho bhököngʼu mo-nkoro iyaaye.

Yohana 12:27

Mbe, ho bhoono Yëësu yaaghambirë igha, “Enkoro iyaane nkobhaabhayera ërë. Bhoono n-kë ndaaghambe? Ngambe igha, ‘Taata, ntöörya ko-nkaagha iya inyaanyi eno?’ A a, tentore okosabha igho hë, ko bhoora n-ko okoghera iya amangʼana ghayö, nkyo kyaaghera nkaasha ko-kebhara kono.

Yohana 12:44

Mbe, Yëësu akakonga araghamba igha, “Ömöntö ono akunkumya, tö-öni akukumya hë, kasi nkukumya arë ono yaantoma.

Yohana 13:19

Mbatëëbhëri amangʼana ghayö ghataraaikora, okore hano ghariikora, momanye igha, ‘Öni nö-Öni.’

Yohana 16:24

Kasi nanyabhoono, temoraasabha kyokyonswe igho ku-Waryobha okohetera ku iriina iryane. Motasabha ku-Waryobha naraabhahaane, okore ukushomerwa ukwënyu, kohekerane.

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 16:6

Kasi ndamanya mobhaabhayëëyë bhököngʼu mo-senkoro isyënyu, ko bhono mbatëëbhëri igha, ndaghya ko-Taata.

Yohana 5:23

Yaakörrë igho, okore abhantö bhonswe igho bhasooke Omoona kya bhono bhakosooka Taata. Ömöntö ono atakonsooka öni Omoona, uyö takosooka Taata ono yaantoma.

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

2 Abhakörintö 2:7

Bhoono ömöntö uyö, ni-igha mumwabhere, kora mömöröörësinga, okore atakaabhaabhayera bhököngʼu, kora aheteerani.

Abhaëfësö 1:15

Nkukumya ndë Waryobha ko okoghera iya amangʼana ghonswe igho ghano yaatokorra. Kerenga naighwa kya bhono mukukumya Omonene Yëësu, na bhono mohanshirë abhantö abha Waryobha bhonswe igho,

2 Abhatësarönikë 2:2

motakaaheeta okobhaabhayera morakanya igha, urusikö urwa ukuusha ukwa Omonene ruhikirë. Mbe, eratora okobha igha mwaaighwa amangʼana nyabhorebhe agha öbhörööti, handë agha obhoraarëki, handë agha ritashandighi reno mokokanya igha ni-ryëtö.

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.