Yohana 13:23 - Imuuma Eehya

²³ Yaare-ho umwegha uwa Yëësu, ono Yëësu yaahanshirë bhököngʼu. Umwegha uyö yaarenga aikaayë haangʼë na Yëësu.

Yohana 13:23 ပူးပေါင်းရင်းမြစ်များ

Ruuka 16:22

“Enkaagha ekahekera-ho, ömötöbhu Raazaaro akakwa. Abhamaraika bhakamuhira mu-ryobha, haangʼë na Ibhurahimu. Umwamë uyö wonswe, akakwa, akabheekwa.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 11:3

Mbe, Maryamu bhaana Maarita bhakatomana amangʼana ko-Monene Yëësu igha, “Omonene, mosaani uwaaho, m-mörööyë.”

Yohana 11:36

Mbe, Abhayahudi bhano bhaare-ho bhakaghamba igha, “Momaahe bhono yaahanshirë Raazaaro!”

Yohana 11:5

Yëësu yaahanshirë Maarita mohara uwaabho Maryamu, na Raazaaro mura uwaabho.

Yohana 13:24

Mbe, Simööni Peetero akasima umwegha uyö, akamötëëbhya igha, “Bhöörya Yëësu igha, n-nawë uyö mö-bhëëtö mono araakore ghayö?”

Yohana 13:25

Mbe, umwegha uyö, yaarenga aisëghëkirë ku-kikubha ikya Yëësu, akamöbhöörya igha, “Omonene, kana n-nawë uyö ukushumaashera?”

Yohana 19:26

Mbe, hano Yëësu yaarööshë nyakuwaabho, na umwegha oora yaahanshirë bhököngʼu aimërëëyë haangʼë na nyakuwaabho, akaghamba igha, “Nyakörö, maaha uyö we mura uwaaho.”

Yohana 20:2

Mbe, akakenya akaghya ku-Simööni Peetero na ku-mwegha uwöndë ono Yëësu yaahanshirë. Akabhatëëbhya igha, “Abhantö bharuusiri mo-mbeehera ikihundughu ikya Omonene uwëëtö, kora tetomanyirë hasë bhakihirrë hë!”

Yohana 21:20

Mbe, Peetero akaisyörya, akamaaha umwegha ono Yëësu yaahanshirë bhököngʼu, yaabharwanga nyuma. Umwegha uyö no-oora yaarenga aisëghëkirë ku-kikubha ikya Yëësu, enkaagha iya ibhyakorya ibhya omoghoroobha, kora akabhöörya Yëësu igha, “Omonene, n-nawë araakunyeere inikö?”

Yohana 21:24

Umwegha uyö, we akwemererra amangʼana ghano, kora we yaandeka amangʼana ghano. Kora na bhëëtö bhonswe ntomanyirë igha, no-bhoheene akwemererra.

Yohana 21:7

Umwegha omoghonshe bhököngʼu ku-Yëësu, akatëëbhya Peetero igha, “Ono no-Monene uwëëtö!” Hano Simööni Peetero yaaighuurë igha no-Monene uwaabho, akaibhoha ingibho iyaaye, akairekera mu-nyansha.