Yohana 13:18 - Imuuma Eehya

¹⁸ “Tenkoghamba amangʼana ghayö kö-bhëënyu bhonswe igho hë, ko bhoora nemanyirë bhano naashaaghora bhabhe abheegha abhaane. Kasi bhoono ghano, n-ko okoghera iya okohekerania Amaandeko Amahörëëru ghano ghakoghamba igha, ‘Ömöntö ono yaaryanga ibhyakorya ibhyane, aigharanshööyë, abhaayë umubhisa uwaane.’

Yohana 13:18 ပူးပေါင်းရင်းမြစ်များ

Mataayo 10:36

Abhabhisa abha ömöntö, m-baara abha mu-nyumba iyaaye.

Mataayo 26:21

Enkaagha eno bhaaryanga, Yëësu akabhatëëbhya igha, “No-bhoheene nkobhatëëbhya igha, ömwë uwëënyu naraannyeere inikö.”

Mataayo 26:23

Yëësu akabhahonshora igha, “Nu-uyö atöngëëyi hamwë na öni mo-kebhaköri, uyö we araashe annyeere inikö.

Maariko 14:17

Hano omoghoroobha ghwaahikirë, Yëësu akaghya mu-nyumba iyö hamwë na abheegha abhaaye ikömi na bhabhërë.

Maariko 14:18

Hano bhaaryanga, Yëësu akabhatëëbhya igha, “No-bhoheene nkobhatëëbhya igha, ömwë uwëënyu ono akorya hamwë na öni hano, naraannyeere inikö.”

Maariko 14:20

Yëësu akabhahonshora igha, “Ono araanyeere inikö, nö-ömwë mö-bhëënyu ikömi na bhabhërë ono akötöngërya hamwë na öni mo-kebhaköri mono.

Ruuka 22:21

Kasi momanye igha, nkötöngërya ndë hamwë bhoono igho na ono araannyeere inikö.

Yohana 13:21

Hano Yëësu yaaghambanga amangʼana ghayö, yaabhaabhayëëyë bhököngʼu mo-nkoro iyaaye, akaghamba harabhurabhu igho igha, “No-bhoheene nkobhatëëbhya igha, ömwë mö-bhëënyu mono, naraanyeere inikö.”

Yohana 13:22

Abheegha abhaaye bhakamaaherrana ko-maiso, bhakaroghoora ko bhoora bhataamanyirë nawë Yëësu yaashumaasheranga.

Yohana 13:26

Yëësu akamohonshora igha, “Ono nkushumaashera no-ono ndaatöngërri omokaate, mmöhërri.” Mbe, Yëësu akatöngërya omokaate, akahërrya Yuuda, mura uwa Simööni Isikariyote.

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 15:19

Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.

Yohana 15:25

Amangʼana ghayö ghaabhaayë igho, okore ghahekerane Amaandeko Amahörëëru ghano ghakoghamba igha, ‘Bhaandëghirë bhosa igho.’

Yohana 17:12

Hano naarenga hamwë nabho, naabharendanga ko obhotoro ubhwa iriina iryaho reno wangʼaana. Nkabhanaghya bhuuya, taaho kora ömwë ono yaasira mo-bhayö, kasi n-ditamwe irya ukusira reera iryene igho, okore Amaandeko Amahörëëru ghahekerane.

Yohana 18:32

Ghayö ngaabhaayë igho, okore ghahekerane amangʼana ghano Yëësu yaaghambirë, ukwörökya bhono akaakuurë.

Yohana 19:24

Mbe, bhakateebhania igha, “Tetokaatandora engansho eno, kasi tokore ekekoobhwe, tomaahe igha, ni-iya wë eraabhe.” Ghayö ngaaikörrë igho, okore ghahekerane ghano ghaandëkirwë mo-Maandeko Amahörëëru igha, “Bhaatwenaini singibho isyane, bhakakorra engansho iyaane ekekoobhwe.” Ni-igho abhasirikare bhayö bhaakörrë.

Yohana 19:36

Ghayö ngaaikörrë, okore ghahekerane ghaara ghaandëkirwë mo-Maandeko Amahörëëru igha, “Tebhaabhunirë kora righuha iryaye hë.”

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Yohana 6:70

Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

Amangʼana agha Abhatomwa 1:16

akabhatëëbhya igha, “Abhakumya bharikyane, amangʼana ghano ghandëkirwë mo-Maandeko Amahörëëru ko engʼana iya Yuuda, yaarë igha ghaikore. Umwika Ömöhörëëru we yaaghambirë ghayö, okohetera ko-mokama Daudi, akarootera Yuuda uyö, ono yaatangatirë abhantö bhaara bhaaghöötirë Yëësu.

Amangʼana agha Abhatomwa 1:2

okohekera urusikö rono yaaghëghirwë ukughya mu-ryobha. Hano waanyöörrë ataraagheghwa, yaaraghërrëëyi abhatomwa abhaaye bhano yaashaaghööyë, okohetera Umwika Ömöhörëëru kya bhono bharaakore emeremo gheno yaabhatëghëëyë.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

Abhaëbhuraania 4:13

Tekeeho ëkëntö keno kyaabhombwa keno ketarëngë harabhu igho ku-Waryobha. Ko bhoora ëbhëntö bhyonswe igho n-harabhu igho bhërë ku-Waryobha, uyö we törëtëëbhya amangʼana ghano tokokora.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.