Yohana 12:13 - Imuuma Eehya

¹³ Mbe, bhakaghegha amasagharya agha emetende, bhakaghya ukumuturungʼana. Bhakasherra bharaghamba igha, “Hosana! Waryobha akongʼoore ono ukuusha ko okohetera iriina irya Omonene Waryobha! Angʼoorwe Omokama uwa Abhaisiraëri.”

Yohana 12:13 ပူးပေါင်းရင်းမြစ်များ

Mataayo 23:39

Ndabhatëëbhya igha, temoremmaaha ghwiki hë, okohekera hano moreghamba igha, ‘Waryobha akongʼoore ono akuusha ko okohetera iriina irya Omonene Waryobha.’”

Mataayo 27:42

Nyoore m-maheene igha we Omokama uwa Isiraëri, aike ko-mosarabha kuyö ho na bhëëtö bhonswe toraamukumi.

Yohana 1:49

Natanaëri akamohonshora igha, “Raabhi, uwe m-Moona uwa Waryobha örë! Nu-uwe Omokama uwa Isiraëri!”

Yohana 12:14

Mbe, Yëësu akanyoora ëkëmööri ikya itikërë, akariina-ko ekabha kya bhono yandëkirwë mo-Maandeko Amahörëëru igha,

Yohana 12:15

“Bhëënyu abhantö abha Sayuuni motakoobhoha! Maaha, omokama uwëënyu araasha, ariinirë kö-këmööri ikya itikërë!”

Yohana 19:15

Mbe, bhakashaghana bharaghamba igha, “Muruusi-ho! Mohaneke ko-mosarabha!” Piraato akabhabhöörya igha, “Kana, nkutuna mörë nhaneke omokama uwëënyu ko-mosarabha?” Abhanene abha abhasëngëri bhakamohonshora igha, “Bhëëtö tetoona omokama uwöndë hë, kasi n-Kaisaari umwene!”

Okohonyora 15:3

Bhaarëëtyanga rirëëtyö reera irya Omoona Ringʼöndi na Mosa ömököri uwa emeremo uwa Waryobha, bharaghamba igha, “Omonene Waryobha uwa obhotoro bhwonswe igho, amangʼana aghaaho m-marito, nköröghöörya gharë. Uwe nu-uwe Omokama uwa ibhyaro bhyonswe igho, senshera isyaho, ne-heene, kora n-sya obhoheene.

Okohonyora 19:16

Ömöntö uyö, yaarë na iriina ryandëkirwë ko-ngansho orobhareka urwa ku-kiimo ikyaye igha, omokama uwa abhakama, omonene uwa abhanene.

Okohonyora 7:9

Hano ghayö ghaahööyë, nkamaaha rikomo rinene irya abhantö bhano otaatore okobhara. Abhantö bhayö, bhaarë abha ibhyaro bhyonswe igho, abha amakabhira ghonswe igho, abha sihiiri na abha ebheghambo bhyonswe igho. Bhaimërëëyë mbere iya ikitumbë ikya ekekama na mbere iya Omoona Ringʼöndi. Bhaatöörrë sengansho sendabhu kora bhaarenga na amasagharya agha emetende mo-mabhoko aghaabho, ukwörökya igha bhashömëëywë.