Yohana 12:1 - Imuuma Eehya

¹ Hano syaatighaayë sinsikö isansabha igho inyangi iya Epasaka etaraahika, Yëësu akahika Bhetania, mu-kishishi keno yaaryökëëyi-mo Raazaaro ukurwa mo-bhaku.

Yohana 12:1 ပူးပေါင်းရင်းမြစ်များ

Mataayo 21:17

Yëësu akabhatigha hayö, akarwa mu-mughi ughwa Yërusarëëmu, akaghya okoraara Bhetania.

Maariko 11:11

Yëësu akasoha Yërusarëëmu, akaheterrania këmwë, akaghya mu-risengerro irya Waryobha. Akaitaaha bhuuya ëbhëntö bhyonswe igho bheno bhyaarë hayö. Kasi okanyoora omoghoroobha ghuhikirë, ku bhuyö akatanora hamwë na abheegha abhaaye ikömi na bhabhërë, akaghya Bhetania.

Ruuka 24:50

Hano yaamarrë, akatangata abheegha abhaaye, bhakaghya mu-kishishi ikya Bhetania. Hano bhaahikirë-yo, akainyökya amabhoko aghaaye, akabhangʼoora.

Ruuka 7:37

Mu-mughi muyö, yaare-mo omokari uwöndë ono yaamanyekaini igha mököri uwa ëbhëbhë. Omokari uyö, akaighwa igha Yëësu nkorya arë ibhyakorya wa Omofarisaayo uyö. Akahika mu-nyumba muyö, aana inshubha iya arabhaasita yiishööyë amaghuta ghano ghakurumbaasa bhuuya.

Yohana 11:1

Yaare-ho ömöntö ono yaabherekerwanga igha Raazaaro, m-mörööyë yaarë. Yaamënyirë Bhetania hamwë na Maryamu bhaana Maarita, bhaisëkë bhaabho.

Yohana 11:43

Hano Yëësu yaamarrë okoghamba amangʼana ghayö, akabherekera bhököngʼu igha, “Raazaaro, rishoka kebhara eno!”

Yohana 11:44

Mbe, umuku oora, akarishoka kebhara. Amaghörö na amabhoko aghaaye ghananëërrëywë na esanda, kora na ubhusyö ubhwaye bhwaarenga bhonanërrëywë na eketati ikya ingibho. Yëësu akabhatëëbhya igha, “Momonoore singibho siyö, mumutighe aghende.”

Yohana 11:55

Mbe, inyangi iya Abhayahudi iya Epasaka n-haangʼë yaarë. Ku bhuyö abhantö abhaaru bhaarwanga mu-mighi ighyabho bharaghya Yërusarëëmu Epasaka etaraabha, okore bhaisaabhuure.

Yohana 12:12

Hano bhwaakëëyë, rikomo rinene irya abhantö bhano bhaaishirë okorya inyangi iya Epasaka, bhakaighwa igha, Yëësu nko-nshera arë araasha Yërusarëëmu.

Yohana 12:20

Bhaarenga-ho abhantö bhano bhataarë Abhayahudi, mo-bhantö bhano bhaaghëëyë Yërusarëëmu okosaasaama Waryobha ku-nyangi iya Epasaka.

Yohana 12:9

Mbe, rikomo irya Abhayahudi, rekaighwa igha Yëësu ni-iyö arë, rekaghya-yo. Tebhaghëëyë iyö ko okoghera iya Yëësu umwene igho hë, kasi mbaatunanga bhamaahe na Raazaaro ono Yëësu yaaryökëri ukurwa mo-bhaku.