Yohana 11:55 - Imuuma Eehya

⁵⁵ Mbe, inyangi iya Abhayahudi iya Epasaka n-haangʼë yaarë. Ku bhuyö abhantö abhaaru bhaarwanga mu-mighi ighyabho bharaghya Yërusarëëmu Epasaka etaraabha, okore bhaisaabhuure.

Yohana 11:55 ပူးပေါင်းရင်းမြစ်များ

Mataayo 26:1

Hano Yëësu yaamarrë ukwëghya amangʼana ghayö ghonswe igho, akatëëbhya abheegha abhaaye igha,

Mataayo 26:2

“Kya bhono bhëënyu bhonswe momanyirë igha, syaatighaayë sinsikö ibhërë igho, inyangi iya Epasaka ebhe. Ho bhoono öni Omoona uwa Ömöntö, ndaatoorwe mu-bhitaano ibhya abhabhisa abhaane, mbarinnyeera inikö, okore nhanekwe ko-mosarabha.”

Maariko 14:1

Mbe, waanyöörrë sitighaayë sinsikö ibhërë igho, ebhe inyangi iya Epasaka bheena inyangi iya okorya emekaate gheno ghetatöörrwë-mo ehamiira. Abhanene abha abhasëngëri abha Waryobha na abhëëghya abha amaraghërryö agha Mosa, bhaatunanga enshera iya okoghoota Yëësu bhughunyi igho, abhantö bhatamanyirë, okore bhamobhotorre ikiina, bhamwite.

Ruuka 22:1

Mbe, inyangi iya emekaate gheno ghetatöörrwë-mo ehamiira yaarenga ihikirë haangʼë. Inyangi iyö, yo yaabherekerwanga igha Epasaka.

Yohana 12:1

Hano syaatighaayë sinsikö isansabha igho inyangi iya Epasaka etaraahika, Yëësu akahika Bhetania, mu-kishishi keno yaaryökëëyi-mo Raazaaro ukurwa mo-bhaku.

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 18:28

Mbe, hano bhwaakëëyë nyinkyo shiri, abhatangati abha Abhayahudi bhakaghegha Yëësu ukurwa wa Kayafa, bhakaghya nawe mu-ghunyumba ughwa öbhötöngi ubhwa Ikiruumi. Kasi bho tebhaasöhirë-mo hë, okore bhatakainyakuhya, bhakerwe okorya ibhyakorya ibhya Epasaka.

Yohana 2:13

Mbe, inyangi iya Epasaka iya Abhayahudi, n-haangʼë yaarë, ku bhuyö Yëësu akatiira ukughya Yërusarëëmu.

Yohana 2:6

Mbe, syaare-ho sinyöngö isansabha isya amaghena, seno syaatorwanga-mo amanshë agha okokorra seteemo isya Abhayahudi isya ukwisaabhuura. Kera inyöngö, yaaishöribhwanga na siriita ighana imwë handë ighana imwë na merongo etatö.

Yohana 5:1

Hano ghayö ghaahööyë, Yëësu akatiira ukughya Yërusarëëmu okorya-yo inyangi nyabhorebhe iya Abhayahudi.

Yohana 6:4

Enkaagha iyö, inyangi iya Abhayahudi iya Epasaka n-haangʼë yaarë.

Amangʼana agha Abhatomwa 21:24

Bhoono hinana nabho, mwisaabhuure hamwë. Obhahakere öbhöghöri ubhwa ukughingirwa situukya isyabho. Hano oraakore igho, abhantö bhonswe igho mbaraamanye igha, amangʼana ghonswe igho ghano bhaatëëbhiibhwi, n-ga bhorongo ghaarë, kasi uwe umwene, nköghëndërrya örë okokora bhono amaraghërryö agha Mosa ghakoraghërrya.

Amangʼana agha Abhatomwa 21:26

Mbe, hano bhwaakëëyë, Pauro akahira abhashaasha abhane bhayö, akaisaabhuura hamwë nabho. Akasoha mo-bhogho ubhwa risengerro irya Waryobha, okore atëëbhi abhantö urusikö rono bhakaamarrë okosaabhuurwa, na ikimwenso keno kera ömöntö akaaruusiri.

Amangʼana agha Abhatomwa 24:18

Ghayö ngo abhantö bhano bhaanyöörrë ndakora mo-bhogho ubhwa risengerro irya Waryobha, mmarrë ukwisaabhuura. Tenaarë na rikomo irya abhantö handë igha ndakora riihë hë. Kasi mu-risengerro moora, bhaare-mo Abhayahudi abhandë bhano bhaarwërëëyë mu-kyaro ikya Asia Enke.

1 Abhakörintö 11:28

Kasi bhoono kera ömöntö aibhööri umwene mo-motwe ughwaye, ataraarya omokaate na ukunywera ekekombe kiyö.

Yaakobho 4:8

Musuntarrenga Waryobha, ho wonswe araabhasuntarre. Bhëënyu abha ëbhëbhë, mutighe ëbhëbhë ibhyënyu, mokore amangʼana amaiya, bhëënyu bhano motashirë eno na eno, momosoorane ko senkoro isyënyu syonswe igho.